NOW, it’s Kris Aquino’s turn to reveal something about Vice Ganda’s lovelife.
Sa isang episode kasi ng It’s Showtime ng ABS-CBN, merong isang fan na ininterbyu si Vice na gustong ma-meet personally si Kris.
Tinawagan agad ni Vice ang TV host-actress at pinakausap ang nasabing fan. Pinagbigyan naman siya ni Kris at sinabing mag-meet sila sa isang restaurant.
Matapos ang chikahan with the fan ay naging taklesa si Kris and said, “Hindi ba, nag-food trip na tayo diyan with Karla (Estrada), kasama si Mr. Chinatown, nu’ng in love ka pa kay Mr. Chinatown?”
Stunned by her revelation, ang tanging nasabi na lang ni Vice Ganda ay, “Ewan ko sa iyo! Bababaan kita ng telepono. Nakakaloka ka!”
Patuloy ang mga bagong gimik sa It’s Showtime. Hindi lang namimigay ng cash si Vice, meron pa siyang drama na sinagot niya ang pag-aaral ng isang girl na humihingi ng advice.
Nahihiya na raw kasi ‘yung girl na humingi ng baon at pambayad ng tuition fee niya sa magulang ng kanyang boyfriend kaya naman humingi siya ng advice kay Vice Ganda.
Nagmagandang-loob si Vice na sagutin na lang ang pag-aaral ng dalaga. How nice. One thing more, napansin naming na panay ang pa-good shot ni Vice Ganda ngayon, ha.
Parang sunud-sunod ang kanyang kawanggawa which is nice naman as he is able to help someone in need. Napanood namin ang isang video niya habang nakasakay sa taxi kasama ang kanyang alalay/friend.
Super chikahan sila sa taxi ng driver na hindi makapaniwala na pasahero niya si Vice Ganda. Later, nang bayaran time na, nag-abot si Vice Ganda ng P3,000 para sa boundary ng taxi driver.
Siyempre pa’y tuwang-tuwa ang driver sa laki ng halaga na kanyang natanggap. Ang nakakaloka lang, bakit kailangan pang i-video ang taxi ride ni Vice Ganda? Para ipakitang tinulungan niya ang taxi driver? Para ipakitang generous siya?
No comments:
Post a Comment