1+1 = 12 Plus 1 (1987) - Susan Roces & Eddie Gutierrez

1+1 = 12 Plus 1 (1987) Regal films ** Susan Roces, Eddie Gutierrez, Lotlot de Leon, Matet, Sheryl Cruz, Dranred Belleza, Jigo garcia, Jaypee de Guzman, Chuckie Dreyfuss, Katrin Gonzales, Isabel Granada, RR Herrera, Atong, Bamba, Tina Alcala, Ana Abiera, Mark Thompson, Brylle Mondejar, Caridad Sanchez, Mona Lisa, Deborah Sun, Roderick Paulate.

Sheryl nagpipiyesta dahil sa mga kasong isinampa laban kay Grace?

Maraming nagtatanong, ano raw kaya ang nararamdaman ngayon ni Sheryl Cruz sa mga isyung kinasasangkutan ni Senadora Grace Poe, nagbubunyi raw kaya ang aktres na matagal nang nangnenega sa senadora?

Hindi ba’t nu’ng una pa man ay ‘yun na ang sigaw ni Sheryl, hilaw pa raw si SGP para kumandidatong pangulo, marami pa raw dapat pag-aralan ang senadora bago mangarap tumakbo sa isang mataas na posisyon.

Nu’ng isang araw ay masayang-masaya naman ang kampo ng senadora dahil sa ikalawang sultada ng kanyang laban sa Senate Electoral Tribunal ay ibinasura ang motion for reconsideration ng isang abogadong naghain ng kaso laban sa kanyang citizenship.

Panalo si Senadora Grace sa SET, pero sila naman ang maghahain ng MR ngayon sa COMELEC, sa kinukuwestiyon niyang residency ay natalo ang senadora sa botong 3-0.

Malayo pa ang pagta-tapos ng laban, sabi ng kampo ni Senadora Grace Poe, may karapatan pa siyang mag-apela hanggang sa makarating ang usapin sa Supreme Court.

Kapag pala inabot ng eleksiyon ang mga usaping ito nang hindi pa nareresolbahan, manalo o matalo si Senadora Grace Poe ay mawawalan na ng saysay ang lahat, kaya nag-aapura ang kanyang mga katunggali na madesisyunan agad ang mga kasong ihinahain laban sa senadora.

Sheryl biglang bawi; nagpadala sa mga sulsol ng mga kumakalaban kay Grace l

Anumang pagbawi at pagbabalanse ang gawin ngayon ni Sheryl Cruz ay mawawalan na ng saysay. Pinuhin man niya ngayon ang kanyang mga pinagsasasabi laban kay Senadora Grace Poe ay wala nang mangyayari dahil ikinapit 

sa kanya ng publiko ang imahe ng kawalan ng utang na loob.

‘Yun ang mahirap sa mga taong hindi muna nag-iisip nang maraming beses bago magpakawala ng mga salita. Nagpapadala sila sa mga bulong, sa mga sulsol, siguro’y ramdam na ramdam na ngayon ni Sheryl ang masasakit na salitang ibinabalik sa kanya ng mga taong nagmamahal kay Senadora Grace at kanyang tiyahing si Ms. Susan Roces.

Iniiba-iba na niya ngayon ang kuwento, hindi raw naman niya sinabing ayaw niyang kumandidatong pangulo si Senadora Grace, paano niya pasisinungalingan ngayon ang sinabi niyang botante rin siya at ayaw niyang malagay sa hindi magandang sitwasyon ang ating bayan?

Dapat munang sagutin nang totoong-totoo ni Sheryl ang dahilan kung bakit hindi man lang niya sinilip ang bangkay ng kanyang ama. Hanggang hindi siya nagpapakatotoo ay wala ring paniniwalaang kahit ano ang mga kababayan natin sa mga nililitanya niya.

Sa respetong-respeto na lang para sa kanyang tiyahin, dapat ay nag-isip muna si Sheryl Cruz bago siya nagpadala sa mga bulong at sulsol ng mga taong pagkatapos siyang gamitin ay sa basurahan din naman ang kanyang tuloy, ang nagagawa nga naman ng pagiging Spell M.

As in!

Sheryl Cruz, ayaw daw mangyari sa pinsang si Sen Grace Poe ang nangyari kay FPJ

Patuloy na naninindigan si Sheryl Cruz sa binitawan niyang mga pahayag kaugnay sa pagtakbo sa pagka-Pangulo ng pinsan niyang si Senator Grace Poe sa 2016 elections.

Sa pakikipag-usap ng PEP.ph (Philippine Entertainment Portal) at iba pang miyembro ng press kay Sheryl noong Oktubre 1, sa Relish Hello Happiness, sa Quezon City, sinabi ng aktres na hindi niya babawiin ang kanyang mga sinabi.

“First of all, what I’ve said I won’t retract.

"Iyon ang akin, mayroon naman akong paninindigan, di ba?"

“Iyon ang akin, not for anything else.

"I respect everyone in my family and I love everyone in my family, including her [Senator Grace].

“Kasi kung wala akong concern, I won’t speak up.

“Concerned ako sa aking pinsan, ayokong mangyari sa kanya kung ano ang nangyari kay Uncle Ronnie [Fernando Poe Jr.] before,” sabi ni Sheryl.

Ang yumaong King of Philippine Movie ay tumakbong presidente noong 2004.

HURT. Nasaktan daw si Sheryl na maraming negatibong lumabas laban sa kanya at marami ang minasama ang kanyang mga sinabi.

“Of course naman, hindi naman sa hindi ka nasaktan, masyado lang naging malaki yung reaksiyon na hindi naman dapat ganun.

“Ang sa akin lang, lahat naman tayo may karapatan sa ating mga sariling opinyon,” sabi niya.

Hindi pa raw nakakausap ni Sheryl si Senator Grace matapos pumutok ang isyu. Pero bukas naman daw siya sa pakikipag-usap.

Saad ni Sheryl, “Sinabi ko naman na ang communication line ko is always open.

“They all know that, wala naman akong hindi kinakausap.”

Matagal na rin daw nang huli silang mag-usap ni Senator Grace nung April 5 this year, birthday ni Sheryl.

Maging ang tiyahin niyang si Susan Roces, ina ni Senator Grace, ay hindi pa rin daw niya nakakausap.

Aniya, “Hindi pa kami nagkakausap kasi nga busy kami sa taping [ng mga teleserye], at saka pumunta nga ako ng Brunei recently.”

Nang tanungin tungkol sa mga nagsasabing naiinggit lang daw siya kay Senator Grace, tugon ng aktres, “Alam niyo, masama yung mainggit, ang inggit ko ay hindi inggit na nakakasira para sa akin.

“Inggit na sana isang araw maging kasing galing ko rin siya.

“It’s a constructive thing, ayoko ng negative, di ba?

“Hindi ko gusto na naiinggit kasi ang inggit nakakamatay iyon, e.

“At hindi lang ganun, you have to get over your insecurities in life, whatever they may be.

“Basta ang sabi lang naman sa akin, you cannot always get what you want.

“May mga things na ibinibigay sa atin ang Diyos, at mayroon din naman na hindi sa atin ibinibigay.

“I don’t know why, ayoko na lang kuwestiyunin.

“Basta kung saan Niya ako gustong dalhin, I will always listen sa nandoon sa taas

Sheryl binara ng kampo nina Chiz at Grace

Nananaginip raw ba ng gising si Sheryl Cruz? ‘Yan ang tanong ng mga supporter ni Sen. Grace Poe matapos itong magdadakdak tungkol sa pagtakbo ng kanyang pinsan sa 2016 presidential elections.

Chika ng mga kakampi ni Sen. Grace, saan daw kaya pinagkukuha ni Sheryl ang impormasyong ipapa-DNA test siya at ang kaniyang inang si Rosemarie Sonora upang mahanap ang totoong magulang ng senadora?

Mismong ang running mate ni Grace na si Sen. Chiz Escudero ang nagsabing walang katotohanan ang akusa-syon ng aktres na pinipilit siya at ng kaniyang ina na magpa-DNA test upang mapatunayan kung totoo ang tsismis na anak si Grace ni Rosemarie at ng yumaong dating pangulong Ferdinand Marcos.

Ilang beses nang idinenay ni Grace at ng mga Marcoses ang nasabing tsismis na kumalat noon pang dekada 70. Sinabi ng kampo nina Grace at Chiz na ang kukunan ng DNA sample ay ang mga posibleng kamag-anak ni Grace sa Jaro, Iloilo kung saan siya napulot noong 1968.

“No. Not from Senator (Bongbong) Marcos or Rosemarie Sonora nor from Sheryl Cruz. As she (Grace) said, it is from a person that they believed, based on stories told in Jaro, Iloilo might be her father or her brother as the case maybe,” ani Chiz sa isang panayam.

Kung matatandaan walang takot na ipinagsigawan ni Sheryl ang umano’y panggigipit sa kaniya at sa kaniyang ina upang magpa-DNA test para mahanap ang totoong parents ni Grace.

Nakiusap pa nga ito na huwag nang idamay ang kanyang ina at ang kanyang pamilya sa ambisyon ni Grace na maging pangulo. Si Grace ay inampon ni Da King, Fernando Poe, Jr., at asawang si Susan Roces na kapatid naman ni Rosemarie.

Bukod dito, itinanggi rin ng dating manager ni Sheryl na si Rams David na may gumipit at nangharas sa kanya para bitiwan ang pagma-manage sa aktres.

Sinabi ni Rams na ang pagbibitiw niya bilang manager ni Sheryl ay bunsod ng hindi pagkakaintindihan sa dati niyang alaga tungkol sa takbo ng career ng aktres at walang kinalaman kay Grace.

Pinasinungalingan rin ng mga talent managers na sina Dolor Guevarra at ng presidente ng Professional Artists’ Managers, Inc. o PAMI na si June Rufino ang mga pahayag ng aktres na may pressure kay Rams para bitawan ang pamamalakad sa career ng aktres.

Sheryl walang utang na loob, Pati si Susan Trinaydor

Lumantad na si Mrs. Norma Lim, isang negosyanteng nagtiwala kay Sheryl Cruz, pero ngayon ay nadadamay sa mga akusasyon ng aktres dahil ginigipit daw siya ng kanyang mga dating manager.

Ang mga tinutukoy niyang manager ay sina Tita Dolor Guevarra at Tita June Rufino, ang dalawa raw ang utak sa mga nangyayari nga-yon sa kanyang career, idinamay niya pati ang negosyanteng walang ibang kasalanan kundi ang pagkatiwalaan siya.

Masakit sa loob ni Mrs. Norma Lim ang mga pinaggagagawa ngayon ni Sheryl, “Parang tunay na anak na ang turing sa kanya ni Ms. Susan Roces, tapos, ganito pa ang ibinabalik niya sa tiyahin niya?

“Nakakahiya ang mga pinagsasasabi ni Sheryl, pati akong nananahimik, e, idinamay pa niya, samantalang binigyan ko na nga siya ng hanapbuhay nu’ng mga panahong ang sabi niya, e, kailangan niyang kumita para sa anak niya!” 

punumpuno ng sentimyentong kuwento ni Mrs. Norma Lim.

Ayaw bigyan ng panahon ni Manang Inday ang mga kuwentong-kutsero ng kanyang pamangkin, kilalang-kilala kasi nito si Sheryl, kaya ayaw nang magsayang pa ng panahon ng respetadong aktres.

Saan ngayon pupulutin si Sheryl Cruz, hindi naman panghabampanahon ang eleksiyon, nakakalungkot pero ang nakadikit na paglalarawan sa kanya ngayon ay walang delicadeza at utang na loob.

Sabi pa ng isang kasamahan namin, “Ano kaya ang nakain ni Sheryl at ipinagka-nulo niya ang mismong mga kadugo niya? Bakit siya nagpagamit, bakit siya nagpadalus-dalos?

Sheryl Cruz binuhay ang bangkay; ’BINUGBOG’ ng mga kakampi ni Grace

Negang-nega ang imahe ngayon ni Sheryl Cruz, natupad ang kanyang pa-ngarap na bumida siya sa mga pahayagan, radyo at telebisyon, ang nakalulungkot lang ay sa anong paraan?

Nabubuhay ngayon si Sheryl sa pamba-bash ng ating mga kababayan, gusto man o hindi si Senadora Grace Poe, maraming naiinis kay Sheryl dahil sa mga ginagawa niyang pangmamaliit sa kapasidad ng senadorang tatakbo sa panguluhan sa 2016.

“Kailan pa siya naging political analyst? And what does she know about politics? Ano ba ang ipinagmamalaki ni Sheryl at ganyan na lang ang ginagawa niyang paninira kay Senator Grace?

“Saka bakit ipinapasok niya ngayon sa usapan ang mommy niya na matagal na raw na nananahimik sa Amerika, sino ba ang kumakaladkad sa pangalan ng mommy niya, di ba’t siya lang naman?

“Hindi raw sila magkapatid ni Senadora Grace, magkaiba raw ang mga magulang nila, sabi ni Sheryl. E, teka lang muna, sino ba kasi ang nagpipilit magsabing magkapatid sila, meron ba?

“Ibalik ba ang nakaraan, buhayin ba ang bangkay para lang siya mapag-usapan? Gusto rin ba naman kasi siyang maging kapatid ni Senator Poe?

“Huwag naman sana, dahil kapag totoo ang iniisip ng iba, e, magiging katapusan na ‘yun ni Sheryl! Huwag sanang totoo ang haka-haka ng iba na nagpapagamit siya sa mga kalaban sa posisyon ni Senator Grace!” napapailing na sabi ng aming source.

Pagkontra ni Sheryl sa pagtakbong pangulo ni Grace gimik lang?

MARAMI raw mga taga-entertainment press ang nagtampo sa sinabi ni Sheryl Cruz na hindi pa raw panahon para sa pinsan niyang si Sen. Grace Poe ang tumakbo ito sa pagkapangulo.

Bakit naman sila magtatampo kay Sheryl? Why can’t they just understand or respect Sheryl’s decision eh karapatan niya i-yon? Kahit sino sa atin ay may kaniya-kaniyang choices kung sinu-sino ang iboboto natin sa anumang halalan. Just because pinsan ni Sheryl si Sen. Grace ay kailangang automatic na sasang-ayon na lang siya kung labag naman sa kalooban niya?

Not because she doesn’t like her to run now ay i

big sabihin nang hindi niya mahal ang pinsan niya.

Malinaw naman ang pagkasabi ni Sheryl na hindi pa right time for her Manang Grace to run for president sa 2016 – puwede pa raw sa 2022. That’s perfectly right kung kami rin ang tatanungin tungkol dito. Kumbaga, too soon for Sen. Grace to run for the highest position of the land.

Hindi porke anak siya ni late FPJ and veteran actress Ms. Susan Roces ay tiyak nang mananalo siya. Eh kung ang late dad nga niyang tumakbo before ay natalo, siya pa kayang anak lang.

For Sheryl to say what she truly felt took a lot of courage – pero nasabi niya nang maayos. She was not fighting her cousin naman – ang sinasabi ni Sheryl ay hindi right time – kumbaga hindi pa hinog ang pinsan niya to run dahil pag pinagpilitan nila itong tumakbo, mas lamang na matatalo ito. 

Yes, she may be very po-pular sa surveys – pero huwag nating kalimutang hawak ng administrasyon ang makinarya.

Huwag din nating kalimutang malakas din talaga si VP Jejomar Binay na nakauna nang umikot sa buong bansa. Kaya walang guarantee na sikat si Sen. Grace Poe para makasigurong ma-nanalo siya. Show of concern lang yung kay Sheryl and that should be taken positively.

Dapat nga magpasalamat pa ang buong angkan ni Sen. Grace that there’s someone like Sheryl in their family na nagbubukas ng isipan nila – that she is not ripe to run for presidency. Iba yung ripe to become president at iba rin ang ripe to run for presidency. These are two different scenarios and I admire Sheryl for doing so.

Kung tutuusin pa nga, mas dapat pa nilang ipagpasalamat ang ginawa ni Sheryl at lalong napag-u-sapan ngayon si Sen. Grace. Kung iisipin mo nga, baka strategy pa nila ito para lalo silang lumakas sa media mileage. We wouldn’t know – alam niyo naman kung gaano kagulo at kadumi ang politics, di ba?

Maraming mga ganap na hindi natin mawari minsan.

Kaniya-kaniya tayo ng choices kung sino ang iboboto natin sa susunod na halalan. Some choose those who have helped them in the past – some say, “Naku, mga hinayupak na iyan. Magagaling lang pag nangangampanya pero pag nakaupo na hindi mo na malapitan. Kaya doon na lang ako sa pinakikinabangan ko”.

Totoo naman, eh. More often than not, yung mga dati nating minanok na naupo ay deadma na during their entire term pero pag malapit na ang halalan, parang mga maaamong tupang nakikipagkaibigan sa atin. Sumisimpleng nakikiusap pero pag nakaupo na, ni anino nila ay hindi mo na makikita.

Pag may kailangan ka sa kanila ay pagpapasa-pasahan ka hanggang sa mainis ka na lang. Kaya tama pa yung may attitude na kung kanino siya may pakinabang doon siya. Hindi mo sila masisisi kasi halos karamihan namang lumalabas ay matatalino nga sana pero mas masahol pa sa pobol pag nasinagan na ng salapi.

Peralang naman ng bayan ang habol ng karamihan sa mga iyan eh. And that power na very addictive. Hay naku, sa eleksiyon ngayon, kuwartahan na lang ang mga kandidatong iyan para patas ang laban, ok?