Dennis ‘BINAWALANG’ manood si Jennylyn ng Felix Manalo

KINAUSAP na ni Dennis Trillo ang nababalitang karelasyon na si Jennylyn Mercado na huwag nang sumama sa premiere night ng latest film niya, ang “Felix Manalo” na magaganap sa Philippine Arena sa Bocaue, Bulacan sa Oct. 4.

“Alam ko kasi na magiging sobrang dami ng tao noon kaya baka hindi ko siya maasikaso kaya sabi ko kapag may block screening na lang para mas komportable siyang makakapanood. Hindi siya mai-stress at maha-harass,” paliwanag ni Dennis.

Pumayag naman si Jennylyn na hindi na sumama sa premiere night bagaman gustung-gusto raw sumama ng girlfriend ni Dennis. Tiyak na lalakas ang bulung-bulungan na may bahid ng katotohanan na may tampuhan ngayon sina Dennis at Jennylyn.

Usap-usapan kasi sa kanilang mother studio ang pagkani-kanya ng dressing room/tent ni Dennis at Jen sa set ng kanilang teleserye sa GMA.“Wala, ganoon talaga ang mga set-up namin sa mga taping. Magkakahiwalay talaga.

Hindi kami magkasama sa isang tent or sa isang stand by area,” esplika niya. Hindi rin daw totoo ang tsika na magkasama sila sa isang tent sa taping ng serye nila, “Hindi, e. Magkakahiwalay talaga, babae at lalaki.”

Okey na okey daw sila ni Jennylyn at hindi rin daw sila nagde-dedmahan, “Hindi, hindi totoo ‘yun,” tanggi ulit ni Dennis. Sa ngayon, kita ang excitement sa mukha ni Dennis para sa nalalapit na pagpapalabas ng “Felix Manalo” on Oct. 7.

Hindi naman daw siya nabahala nu’ng magkaroon ng malaking isyu sa loob ng Iglesia Ni Cristo na itinayo ng karakter na pino-portray niya sa movie as Ka Felix Manalo, ang kauna-unahang Executive Minister ng Iglesia ni Cristo.

“Ano lang po, hindi naman ako nabahala dahil alam ko kung anuman ang problema na yun maaayos at maaayos din po,” sabi ni Dennis.

Marami siyang na-discover sa INC sa paggawa niya ng “Felix Manalo”, “Na syempre, na ang mga kapatid sa Iglesia ay sumusunod pawang sa lahat nang nakasulat sa banal na kasulatan and, dati hindi ko alam ‘yun na isa lang naman pala ang Bibliya na binabasa ng mga Katoliko at mga kapatid sa Iglesia pero syempre, bawat relihiyon may kanya-kanyang interpretasyon ‘yan, e,” ani Dennis.

Kasama rin sa “Felix Manalo” si Bella Padilla na gumaganap bilang asawa ni Dennis as Ka Honorata, Gabby Concepcion, Snooky Serna, Gladys Reyes at marami pang iba, sa direksiyon ni Joel Lamangan.

Jennylyn, Dennis takot malasin ang relasyon kaya ayaw pa ring umamin

WISH ng maraming suppor- ters nina Dennis Trillo at Jennylyn Mercado na sana’y sila na ang magkatuluyan sa huli, at sana’y mauwi na rin sa kasalan ang kanilang relasyon.

Ayon sa mga tumututok sa GMA Telebabad series ng dalawa na My Faithful Husband, kahit hindi sila umamin ay halatang-halata na nagkabalikan na talaga sila.

At naiintindihan daw nila kung bakit kailangan pa nilang maglihim sa madlang pipol. Baka raw kasi natatakot sina Dennis at Jennylyn na malasin ang kanilang “second chance” kapag ibinandera na nila sa mga tao ang tunay na estado ng kanilang relasyon.

Anyway, sa pagpapatuloy ng My Faithful Husband narito ang kailangan n’yong abangan: Hihintayin ni Emman ang pag-uwi ni Melanie, pero kahit late na ay wala pa rin ang asawa niya.

Ipapaalala naman ni Melanie kay Dean na hanggang friendship na lang sila, bagay na tatanggapin ng binata kaya makakampante nang muli ang babae sa kaniya.

Makakatulog si Melanie kasama ni Dean. Magugulat si Emman, umaga na pala pero hindi pa rin umuuwi si Melanie. Mawiwindang si Melanie sa paggising niyang nasa sasakyan pa rin siya ni Dean.

Mag-aalok si Dean na ihatid ang misis ni Emman pauwi, pero tatanggi ito at dali-daling aalis. Tatawagan ni Emman si Mylene para alamin kung doon nagpunta si Melanie, pero hindi rin nito alam kung nasaan ang kapatid.

Agad rin namang tatawagan ni Melanie si Emman at sasabihing pauwi na siya, pero nang tanungin ni Emman ang asawa kung saan ito buong gabi, magsisinungaling si Melanie at sasabihing nakitulog siya kay Adelle.

Magagalit na naman si Mercedes sa hindi pag-uwi ni Melanie, pero ipagtatanggol ni Emman ang asawa sa ina, kaya lalong magi-guilty si Melanie sa nagawa niya.

Magbe-breakdown si Melanie kay Emman, sorry nang sorry, pero hindi masabi sa asawa kung ano ang nagawang kasalanan. Mare-realize niyang mahal pa rin niya si Dean.

Aaminin ni Dean sa kaibigan na hindi na niya kayang pigilan ang pagmamahal kay Melanie, kaya babalaan siya ni Ben na maghanda na sa gulong siguradong darating.

Pagagalitan ni Mercedes si Melanie sa ginawa nito the night before, at magugulat ang babae nang hindi lumaban ang manugang.

Pagsasabihan rin ni Carmen ang anak sa ginagawang pagsama sa mga kaibigan, pero itatanong rin ni Carmen kay Melanie kung kaibigan nga lang ba talaga ang kasama nito.

Magsisinungaling si Melanie sa ina. Tatawagan ni Dean si Melanie at si Emman ang sasagot sa telepono habang mangungumpisal naman si Melanie sa pari, at sasabihin na nagkasala siya dahil nagmamahal siya ng ibang lalaki kahit may asawa na siya.

Jennylyn walang sinusunod na diet: Ang hashtag ko nga sa buhay lamon pa more!

KUNG may papalit man sa pwesto ni Marian Rivera bilang GMA Primetime Queen, walang duda na si Jennylyn Mercado ang siguradong iboboto ng mga Kapuso viewers dahil na rin sa dami ng proyekto ngayon ng tinanghal na 2015 Sexiest Woman.

In fairness, bukod sa bagong teleserye si Jen sa GMA, ang My Faithful Husband kasama si Dennis Trillo, tuluy-tuloy din ang pamamayagpag niya sa mundo ng pelikula.

Matapos ngang maging blockbuster hit last year ang MMFF entry na “English Only Please” , lumalagare ngayon sa dalawang pelikula si Jen.
Siya ang leading lady ni Sam Milby sa pelikulang “Pre Nup” na kinunan pa sa Amerika at nagsisimula na rin ang taping nila ni JM de Guzman para sa 2015 MMFF official entry na “Walang Forever”.

Isa rin si Jen sa mga magiging judge sa pagbabalik ng original reality talent search sa TV na StarStruck na malapit nang magsimula sa GMA 7.

Kaya nga agree kami sa mga nagsasabi na si Jennylyn na ang pwedeng pumalit sa trono ni Marian bilang reyna ng GMA.
Abot-langit naman ang pagpapasalamat ni Jennylyn sa GMA at sa mga movie producers na nagtitiwala sa kanya, “Lagi ko naman pinagdarasal na hindi ako mawalan ng work.

Importante sa atin ang trabaho, lalo na sa akin because I’m a single mom. “Si Alex Jazz, he just turned seven kaya mas dumadami ang mga kailangan niya.
Tapos may nabili akong bagong house at pina-renovate ko ng konti. Kaya noong dumating ang mga trabaho, tuwang-tuwa ako kasi dumating sila just in time.

Kaya thank you, Lord,” ayon naman sa isang panayam kay Jennylyn. Samantala, marami naman ang hindi makapaniwala na sa ganda ng katawan ngayon mg Kapuso actress ay wala pala siyang sinusunod na diet.

Kung idadaan nga raw sa hashtag ang buhay niya ngayon, gusto niyang ipa-trending ang #NoDiet at #LamonPaMore. Pagkain daw talaga ang happiness niya ngayon.
Ayon sa aktres nang makapanayam ng ilang reporter, “Hindi ako puwede sa diet kasi lagi akong napupuyat. Kailangan may lakas ako parati, kaya kain lang ako nang kain.
Paborito ko kaya ang kanin!” At alam n’yo ba na hindi rin mapili sa pagkain si Jen, lalo na kapag gutom siya, Hindi naman ako choosy sa pagkain.

Kahit ano ang ihain mo sa akin, kakainin ko. Kaya wala akong secret diet, normal lang ako kumain tulad ng marami,” aniya pa.
Sa lahat naman ng mga adik na adik na sa My Faithful Husband, narito ang kailangan n’yong abangan sa pagpapatuloy ng kuwento ngayong gabi: Sasabihin ni Melanie (Jennylyn) kay Dean (Mikael Daez) na happily married na siya.
Tatanungin ni Dean si Melanie kung mas masarap bang magmahal ang asawa nito kesa sa kanya.
Pagsasabihan ni Emman (Dennis) ang kapatid na si Dante (Aaron Yanga) na maghanap ng trabaho para maalagaan ang sarili nitong pamilya.

Susubukan namang hulihin ni Dean si Melanie kung may feelings pa ang babae para sa kanya. Mapapaisip si Melanie kung itutuloy ba niya ang pagpasok sa kumpanya ni Dean.
Itatanong ni Mylene (Louise delos Reyes) kay Melanie kung mahal pa ba nito si Dean – dahil kung hindi, unahin nito ang makabubuti sa pamilya niya, at sa mga anak niya.
Magugulat si Emman nang mabalitaan na lasing si Mercedes (Snooky Serna), at malalaman mula kay Carla (Jazz Ocampo) na nakita pala nito ang lalaking nag-rape sa kanya—ang ama ni Emman.

Habang inaalagaan naman ni Emman si Mercedes, masasabi ng huli na mahal niya si Emman – kahit pa bunga ito ng rape.
Malalaman ni Dean na hindi tinanggap ni Melanie ang trabaho sa kumpanya nila. Magpapalusot si Melanie kay Emman kung bakit hindi niya tinanggap ang trabaho – palusot na ikagagalit ni Mercedes lalo sa kanya.

Magugulat sina Emman at Melanie nang kausapin sila ng mga anak na takot malipat ng school at malayo sa mga kaibigan nila — lalo na nang malaman nilang si Mercedes ang nagsabi sa kanila nito.

Susugurin ni Melanie si Mercedes, pero bubungangaan siya agad ng biyenan at pagbibintangan na makasarili ito.

‘Yuckkkk! Jennylyn pabebe kay Dennis, OA na ang kaartehan!’

Puro kaartehan itong si Jennylyn Mercado.

When asked kung nagkabalikan na sila ni Dennis Trillo, aba, ayaw pa ring umamin ng hitad, as if naman hindi alam ng publiko na merong return of the Jedi na nangyari na sa kanila.

Bakit ba ayaw pang umamin ni Jen? Ikinahihiya ba niya ang balikan blues nila ni Dennis? Ano pa ba ang kailangan niyang signal para aminin ang relasyon nila?

Buti pa si Dennis, nag-drop ng hints na nagkabalikan na sila by saying love is lovelier the second time around.

Ang Jennylyn, nagpabebe at arte-artehan when asked kung ano ang reaction niya sa sinabing iyon ni Dennis. Feeling teenager pa ang hitad, eh, may love child na siya, ‘no!

Naku, Jen, ‘wag kang umarte-arte pa. Sagutin mo nang straight ang tanong sa ‘yo, ‘wag ka nang magpaligoy-ligoy. Hindi na bagay sa ‘yo ang magpabebe, ‘no! Nakaka-yuck kang tingnan!!!