Ikaw Lamang (2014) with Coco Martin & Ronnie Lazaro

Ate Guy nagtampo kay Coco; natapos na pelikula sa TV na lang ipalalabas (Nora Aunor, Cococ Martin)

NAGDAMDAM ang kampo ni Ate Guy dahil hindi man lang ipinaalam ni Coco Martin na imbes na sa sinehan ipalabas ang movie nilang “Padre de Familia” ay sa cable channel na lang ito mapapanood.u

We were informed that the indie movie will be shown sa Cinema One ng cable TV. Siyempre pa, nagulat na lang ang kampo ni Nora Aunor dahil wala silang kaalam-alam sa desisyon ni Coco na ipalabas na lang ito sa cable channel at hindi na sa mga sinehan.

Si Coco kasi ang producer ng movie kaya naman siya ang may final say. Ang ipinagdaramdam lang ng camp ni Ate Guy, hindi sila na-inform man lang.

There’s another story which also landed to us. One time during the shooting of the movie, biglang sumigaw ng cut itong si Coco. Hindi kasi nabitawan kaagad ni Ate Guy ang kanyang lines.

Nagulat ang lahat sa inasal ni Coco and that includes Ate Guy. First time yata na merong kaeksena si Ate Guy na sumigaw ng cut. Ang director lang naman talaga ang may karapatang sumigaw ng cut, ‘no.

When Ate Guy explained to Coco and the director na that’s how she planned to attack the scene, natigalgal ang dalawa, parang napahiya. Totoo ba ito, Coco? We want to hear your side of the story.

Anyway, ang latest kay Ate Guy ay certified Kapuso na raw ito. Bibida ito sa isang dramedy na magsisimula ang airing next month.

Coco handa nang tumandang binata

Hindi man diretsong sinabi ni Coco Martin, wala talaga siyang ba-lak ligawan si Maja Salvador, ang isa sa leading lady niya sa bagong teleserye ng ABS-CBN na Ang Probinsiyano.

Tanggap na siguro ni Coco na hindi sila para sa isa’t isa ni Maja at mas magandang maging magkatrabaho at magkaibigan na lang sila.

“Hindi (ko siya nililigawan). Sabi ko nga, mas importante kasi sa amin na maging magkaibigan muna kayo at mas pagtrabahuhan muna ang proyektong ginagawa niyo.

“Kami ni Maja, every time lumalabas kami or may proyekto kami or kahit ano mang ginagawa naming show, nandoon kami para pasayahin yung mga tao. Pero pagda-ting sa personal na buhay, may kanya-kanya kami,” paliwanag ng aktor.

Nagpapasalamat naman si Coco dahil kahit wala silang relasyon ni Maja ay nandiyan pa rin ang ka

nilang mga fans, ang CocoJams.

“Matagal kaming hindi nakapagsama sa isang proyekto and sa pagbabalik-tambalan namin, excited kami kasi mas naging mature kami. Pagda-ting sa trabaho, mas nagtutulungan. Nakakatuwa kasi yung mga taong sumusuporta at humahanga sa amin nandiyan pa rin ngayon,” chika ni Coco sa nakaraang presscon ng Ang Probinsiyano na magsisimula na sa darating na Lunes sa Primetime Bida ng ABS-CBN after TV Patrol.

Totoo bang mas gusto niyang tumandang binata kesa magpakasal? “Hindi naman ako nagsasara (ng puso) pero this time kasi talaga, ang priority ko is my work and my family.”

Coco sa mga bading na pulis: Hanga ako sa katapangan nila!

INAABAGAN na ng madlang pipol ang nalalapit na pagsisimula ng TV version ng classic FPJ film na Ang Probinsiyano na pinagbibidahan ng Teleserye King na si Coco Martin with Maja Salvador and Bela Padilla as his leading ladies.

Kambal ang magiging role ni Coco sa nasabing Primetime Bida series, ang isa ay magiging mabuting alagad ng batas ngunit mapapaslang agad ng kalaban at ang isa nama’y pinagkakatiwalaang miyembro ng SAF na siyang gagamitin ng pamunuan ng pulisya para mahuli ang pumatay sa kanyang kakambal.

At dahil nga kapulisan ang tema ng nasabing serye, sa nakaraang presson ng Ang Probinsiyano, natanong si Coco kung ano ang masasabi niya sa mga pulis na bading.

Sey ng Kapamilya actor, wala siyang nakikitang masama kung bading man ang isang pulis, “Sa tingin ko, walang problema du’n. Actually, kahanga-hanga nga po yon, eh.

Dahil siyempre, unang-una, hanggang hindi niya dinudumihan yung uniporme nila, hangga’t nirerespeto nila yung trabaho nila at ginagawa yung trabaho nila, wala pong problema do’n.”

Dagdag pa niya, “Kasi, iba naman po tayo sa trabaho natin at sa personal na buhay natin. Sa akin po, wala pong masama don sa mga ganung bagay.”

Natanong din si Coco kung nate-threaten pa ba siya kapag may dumarating na bago at mas batang aktor sa showbiz, lalo na sa ABS-CBN? “Kahit nu’ng nasa indie pa ako, hindi po pumapasok sa isip ko ang kompetisyon.

Basta ako, ginagawa ko kung ano yung tingin kong tama.”  Wala raw siyang nararamdaman ngayon kundi feeling blessed kaya puro pasasalamat na lang ang ginagawa niya, “At paano ako napagpapasalamat? Siyempre, dapat tumulong din ako sa mga taong nagsisimula na kagaya ko noon.

Kasi, sabi ko nga, nu’ng nagsisimula ako, maraming mga taong tumulong sa akin. “So, bakit hindi ko ise-share ‘yon? Kumbaga, ito yung pagkakataon na mai-share ko kung anuman yung mga blessings na nakukuha ko ngayon sa buhay ko,” aniya pa.

“Ano bang mapapala ko kung makikipag-compete ako? Bakit hindi ko na lang i-share kung ano yung talentong nalalaman ko sa kanila. Kaya ganu’n ang ginagawa ko nga- yon sa mga nakababatang artista sa akin.

“Masarap kasi sa pakiramdam kapag may mga taong na-appreciate ka, kapag nakakatulong ka. Eh, ano pa bang hahangarin ko sa ngayon? Sobra-sobra na po kung anong meron ako ngayon… sobra na po para sa akin,” paliwanag pa ng Teleserye King.

Samantala, makakasama rin ni Coco sa Ang Probinsiyano si Ms. Susan Roces na gaganap na lola niya sa serye, at inamin ni Coco na kahit sa tunay na buhay ay parang maglola na talaga ang turingan nila ng biyuda ni FPJ.

“Nakikita ko talaga na para ko siyang lola. May panahon ako sa kanila para kumustahin sila, para makipagkuwentuhan sa kanila, alagaan sila sa set.

Kasi, sabi ko nga napaka-thankful ko na nandiyan sila para sa akin, para tulungan ako at suportahan,” ani Coco. Hiningi na ba ng veteran actress ang suporta niya para sa pagtakbo ng anak nitong si Sen. Grace Poe sa 2016 elections? “Sa akin po, hindi po sa akin pamantayan na parang…at klaro po sa amin ni Tita Susan yon.

Sa totoo lang po, walang halong kasinungalingan, pero never naming pinag-usapan kung tutulungan ko ba siya o hihingi siya sa akin ng tulong. Kapag nag-uusap po kami ni Tita Susan, about sa personal na buhay, about sa trabaho namin.

“Kasi, alam kong napakataas din po ng respeto niya sa akin, eh. Na para tanungin o lapitan. Kasi, maski siya ‘pag tinanong mo, sasagutin niya lang na ‘hindi ko alam sa anak ko kung anong plano niya.’ Kasi ganu’n yung respeto nila sa isa’t isa,” chika pa ng award-winning actor.

Coco kay Fpj: Sa akin para siyang si Jose Rizal, isang bayani at Superhero!

“PARA sa akin, para siyang si Jose Rizal!” Ito ang proud na proud na sabi ng Teleserye King na si Coco Martin patungkol sa King of Philippine Movies na si Fernando Poe, Jr.

Bayani o superhero ang tingin n Coco kay FPJ dahil sa mga iniwan nitong magagandang alaala sa ating mga Pinoy hindi lamang bilang isang alagad ng sining kundi bilang isang mapagmahal at matulunging tao.

Sa solo presscon na ibinigay ng ABS-CBN at Dreamscape Entertainment kay Coco para sa pagbibida niya sa TV remake ng classic film ni FPJ na Ang Probinsiyano, sinabi ng award-winning actor na nanghihinayang siya na hindi sila nagkakilala ni Da King.

Pero nagpapasalamat naman siya dahil naging close naman sila ng asawa nitong si Ms. Susan Roces na gumaganap na lola niya sa Ang Probinsiyano.

“Sa akin po kasi, si FPJ, bilang isang manonood, hinahangaan ko siya sa lahat ng mga character na ginampanan niya. Pero ako, bilang isang tao at bilang sa pagkakakilala ko sa kanya, siguro naman po alam nating lahat kung paano siya sa kanyang mga katrabaho, sa kanyang kapwa, kung paano niya tinutulungan ‘yung mga tao.

“Siya po kasi ‘yung klase ng tao na tumutulong siya pero hindi niya po kailangang pang ipagsabi, ipagyabang o i-announce. Sa ganu’ng bahagi po ng pagkatao niya, sobra po akong bumibilib bilang isang tao,” mahabang kuwento ng aktor.

May isang kuwentong hindi nakakalimutan ni Coco tungkol kay FPJ na ibinahagi naman sa kanya ng veteran actress na si Anita Linda, “Actually, may mga kuwento po ako noon, lalo na po kay Tita Anita.

“Kinukuwento niya sa akin noong nagkatrabaho kami sa indie, sabi niyang ganun, ‘Alam mo, dumating yung time na parang hindi ako gaanong gumagawa ng pelikula noon.’

“Tapos, parang inano ni FPJ noon na dahil gusto niyang (Anita) manood ng TV, isang araw, nagulat siya, biglang pinadalhan siya ng TV. Hindi mo kailangang lumapit sa kanya, e.

“May mga tao na nakatrabaho niya na alam niyang may sakit, na kailangan ng tulong. Sabi ni Tita Susan, ang hirap maging asawa ni FPJ… bakit, napakarami mong kahati sa kanya.

Kasi sabi nga, siya open para sa lahat, e. “Ganu’ng tao si FPJ na gagawin niyang lahat sa abot ng kanyang makakaya, kung anuman yung maitutulong niya o maibibigay sa kanyang kapwa o sa kanyang katrabaho, talagang gagawin at gagawin niya.

“Kaya sabi ko nga po, ako bilang isang tao, iyon ang isa sa mga hinangaan ko sa kanya. Hindi lang sa pagiging magaling na artista kundi sa pagiging totoong tao na nagmamahal sa kanyang kapwa,” aniya pa.

Tulad ni FPJ, marami ring natutulungan si Coco, paano kaya niya mahihikayat ang ibang tao, lalo na ang mga kapwa niya artista na tumulong din sa mga nangangailangan? “Kasi ako, honestly po, sinasabi ko nga kung anuman po ang mayroon ako ngayon, sa akin po sobra-sobrang blessing po ‘yung dumating sa buhay ko, sabi ko nga, hindi na ito ‘yung buhay na pinangarap ko, e.

“Gusto ko kasi ‘yung buhay na simple lang na magagampanan ko ‘yung bilang kuya o bilang padre de pamilya sa aking kapamilya.

“Pero sabi ko, sana‘ ’yung mga tao na kagaya ko, na kahit paano sinuwerte sa buhay, ‘yung makapag-share man lang doon sa mga taong nasa paligid niya.

“Una sa pamilya, pangalawa sa paligid niya, sa lipunang ginagalawan niya. Kasi ako, honestly, yung way ng pagtulong ko, hindi ako yung nagbibigay ng materyal na bagay para lang sabihin na nakatulong ako.

“Ang gusto ko kasi, kung maaari, yung mga taong nasa paligid ko, yung mga taong gusto kong tulungan, maging kagaya ko.

“Ang gusto kong ibigay sa kanila, oportunidad, opportunity para mabuhay din nang tama, opportunity para kumita, kumbaga para kumilos.

“Ang pagtulong kasi sa akin, hindi materyal na bagay, e, ‘yung oportunidad. Kagaya ng mga taong tumulong sa akin noong nagsisimula ako. Wala akong natatandaan na may taong tumulong sa akin para bigyan ako ng pera.

Pero may mga taong tumulong sa akin para magturo kung paano tumayo at matuto sa buhay,” tugon ng aktor. Kilala rin si FPJ na isang mapagmahal na asawa kay Ms. Susan, siya ba malapit na ring maging mapagmahal na mister? “Honestly, magti-34 na po ako.

Pero marami pa kasi akong gustong mangyari sa buhay ko, hindi dahil para gusto kong kumita pa nang mas malaki, kundi para gusto ko pa sanang mas maging settled ‘yung family ko. Gusto ko pa sanang mas maging maayos.

“Kasi lagi nilang sinasabi sa akin na parang, ‘Thirty-three ka na, o kailan ka mag-aasawa? Tapos pag medyo binata na ‘yung anak mo, lolo ka na, paano mo siya mae-enjoy?’ Ang katwiran ko naman, mas mae-enjoy ko nga siya kung ngayon nagtatrabaho akong mabuti, nagsusumikap ako, para balang-araw, puwede na akong mag-relax, mas marami na yung oras ko para sa pamilya ko.”

Samantala, gagampanan ni Coco sa Ang Probinsyano ang mga karakter na ginampanan ni FPJ sa movie version na sina Ador at Cardo, ang kambal na pinaghiwalay ng tadhana ngunit pinag-isa ng kanilang pangarap na makapaglingkod sa bayan bilang mga pulis.

Mula sa Dreamscape Entertainment at FPJ Productions, ipakikita ng serye ang tunay na kabayanihan ng mga alagad ng batas. Kasama rin dito sina Albert Martinez, Agot Isidro, Maja Salvador, Arjo Atayde, Bela Padilla, Jaime Fabregas at Susan Roces. Ito’y sa direksyon nina Malu Sevilla at Avel Sunpongco at mapapanood na ngayong Setyembre sa ABS-CBN Primetime Bida.

Coco: Mas magiging mahigpit ako, kasi nakakapagod, nakakasawa na!

NILINAW ni Coco Martin na walang political agenda ang pagtanggap niya sa seryeng Ang Probinsiyano na unang ginawa noon ni a King Fernado Poe, Jr. na mapapanood na ngayong Setyembre.

Ayon kay Coco, nag-usap sila ng mga bossing ng ABS-CBN at ng maybahay ni FPJ na si Ms. Susan Roces na walang kinalaman sa pulitika ang project lalo na ngayong mainit na pinag-uusapan ang posibleng pagtakbo ni Sen. Grace Poe sa 2016.

Hindi naman kaila na maraming tinulungan ang aktor na pulitiko noong 2010 elections na nasa pwesto na ngayon. Ang tanda ng lahat ay sina Presidente Noynoy Aquino at Sen. Sonny Angara ang hayagang ikinampanya ng aktor.

Kaya natanong kung may mga lumalapit na sa kanya ngayon pa lang para iendorso niya – hindi naman ito itinanggi ni Coco.

“Honestly po, mayroon, pero para po sa akin kasi, hindi lang naman ako ang pinag-uusapan dito. Sabi ko nga, napagod na rin ako, nagsawa na rin ako.

“Kumbaga, parang lahat naman tayo na
ghahanap na rin ng pagbabago, hindi lang para sa ating mga sarili, kundi para na sa ating mga magi- ging anak, sa ating pamilya at sa lipunan,” ani Coco.

Nagulat nga ang entertainment press na dumalo sa solo presscon ni Coco para sa Ang Probinsiyano dahil naging prangka ang aktor sa mga nilalaman ng dibdib niya at kung ano ang gusto niyang mangyari sa 2016 elections, “Napakaimportante po ng pagkakataong ito, kung saka-sakali, sa election next year.

“Kasi ito lang yung pagkakataon na mahahawakan ko ang sarili kong pananaw, pagkakaintindi o pagkatao. Kasi, after that, kapag naboto ko na sila, wala na.

Kumbaga, sila na naman ang maghahari, gagawin na naman nila kung ano ang gusto nilang mangyari, di ba? “Ngayon mas magiging mahigpit ako sa mga taong tutulungan ko o paniniwalaan ko.

Kasi nakakapagod, nakakasawa. Parang may mga tao kang tinulungan, tapos magugulat ka na ganu’n pala yung nangyari. Ayaw ko nang maulit ‘yon,” mariing pahayag ng aktor.

Inamin din ng Teleserye King na may natulungan daw siyang hindi niya nagustuhan ang pamamalakad ngayon, “Oo, mayroong iba,” pag-amin niya. “Siguro sa pagkakataong ito, mas magi- ging mahigpit ka na.

Kasi, kapag alam kong nangangaila- ngan ng tulong, talagang sinusuportahan ko. “Pero may mga tinulu- ngan ako na talagang proud ako, like si Sen. Angara. Sobrang proud na proud ako,” say ni Coco.

At bago raw niya ikampanya o tulungan ang isang kandidato, “Unang-una, siyempre hindi naman sapat na pangako lang. Alam naman natin yung credibility ng bawat tao, alam mo naman ‘yung bawat hangarin.

Kumbaga, bilang tao, alam naman natin kung sino ang dapat. “Kung ako ang tatanu- ngin, isa lang ang sasabihin ko, gusto ko lang ng pagbabago. Kumbaga sa kanser, kahit maglagay ka ng bago, pero ganun pa rin ang sistema nila, kakainin lang ‘yan.

“Kung maaari, gusto ko nga lahat bago (walang trapo) para magkaroon tayo ng bagong lipunan. Kung dadagdagan lang din natin ‘yan, uulit lang tayo nang uulit sa mga taong ilalagay natin sa posi- syon, walang mangyayari, ganu’n pa rin. Sino ba ang mahihirapan? Tayo pa rin,” sabi pa ng aktor.

At dito na nga naipasok ng aktor ang isa sa ikinasasama ng loob niya sa gobyerno, “Honestly, may realization nga po ako, e. Parang bakit kami natatakot sa gobyerno, bakit kami natatakot sa mga taong nakaposisyon?

“Kung tutuusin, tayo ang nagpapasahod sa kanila. Dapat tayo ang pinaglilingkuran nila. Sana, kung magkaroon ng pagkakataon, sana baguhin lahat.

“Sana, kung maaari, sana baguhin lahat, sana bata lahat para magkaroon ng pagbabago,” diretsong sabi ng binata. Pero kinlaro ni Coco na wala siyang planong pasukin ang pulitika in case na alukin siya.

“Sa ngayon, wala po akong naiisip na ganu’n. Kasi, para sa akin, masaya po ako sa kung nasaan ako ngayon at kung anuman ang ginagalawan kong mundo, sa aking trabaho po.

“Sa akin pong pagkakaalam, marami ring tao ang nasira dahil diyan sa magulong mundo na ‘yan. Iba-iba siguro ang destiny ng mga tao.

“Siguro, may mga tao talagang inilaan para sa ganung aspeto ng buhay. Ako siguro, kung ano ako ngayon, ito ang ibinigay sa akin ng Diyos.

“At sa ganitong paraan ko, bilang artista, ginagamit ko rin ito para makatulong ako sa kapwa.
“Siguro sa pag-arte ko, kahit papaano, nagagawa ko ang part ko dahil napapasaya ko ang mga manonood. Nakakapagbigay ako ng encouragement.

“Sa bawat role na ginagampanan ko, alam niyo yung nakakapagbigay ako ng magandang ehemplo para gayahin nila ako sa bawat karakter na ginagawa ko,” sabi ni Coco.

Samantala, bukod kay Ms. Susan Roces na gaganap na lola ni Coco sa Ang Probinsiyano, makakasama rin sa napakalaking proyektong ito ng Dreamscape Entertainment sina Albert Martinez, Agot Isidro, Maja Salvador, Arjo Atayde, Bela Padilla, Jaime Fabregas at marami pang iba, sa direksyon nina Malu Sevilla at Avel Sunpongco.

puwede ba kaming maging mag-ina sa pelikula?

Ang Probinsyano (Cuyambay, Tanay,Rizal) - June 4, 2015