Ilang staff ng Wowowin ni Willie sa GMA 7 mawawalan ng trabaho

MASAYA na malungkot si Willie Revillame nu’ng banggitin niya ang technical staff sa taping ng Wowowin noong makapanood kami two weeks ago. Isa sa mga maaapektuhan kasi ng bagong pagpapatakbo ng show ang technical people ng programa.

Gaya ng lumabas na balita, pumayag na si Willie na makipag-collaborate sa production ng show with GMA 7. Pero noong huling taping pa lang ay maugong na ang usap-usapan sa studio ng Wowowin ang mga pagbabagong magaganap. At habang nagho-host si Willie ng isa sa mga segments ng show, binanggit na niya sa audience na makikipag-co-production na sila sa GMA.

Dahil kahati na ni Willie sa gastos ng show ang GMA, isa sa mga unang magaganap ay ang pagpapalit ulit ng studio ng Wowowin. Sa studio na raw sila magti-taping and since may sa-riling technical staff ang GMA kaya sila na rin ang gagalaw sa show.

This maybe the reason kung bakit after the taping ay nagpiktyuran ang technical staff ng Wowowin kasama ang production team ng show. Mala-king kabawasan nga naman sa production cost ng Wowowin ang studio na nirerentahan ni Willie at sweldo ng technical staff. Napakalaki raw kasi talaga ng bayad sa renta ni Willie sa studio nila sa may Kalayaan.

Laking panghihinayang naman ng ibang staff ang laki ng ginastos na naman ni Willie sa pagpapagawa ng studio sa Kalayaan na inabot ng ilang milyon. Matatandaan na ilang milyong piso rin ang ginastos ni Willie sa pagpapaayos ng studio ng Wowowillie sa Delta Theater nu’ng nasa TV5 pa siya.

Umaasa naman ang mga taong nagmamalasakit kay Willie na hindi pababayaan ng GMA 7 ang Wowowin at ma-sustain ang patuloy na pagbulusok sa ratings ng kanyang programa.

Willie: Mas OK yung true love tsaka true cash!

Hindi naniniwala si Willie Revillame na sapat na ang pagmamahal sa isang relasyon para magkaroon sila ng tinatawag na “forever”.

Kahapon sa interview ni Joey de Leon para sa pilot episode ng CelebriTV (kapalit ng Startalk), natanong si Willie kung kaya niyang isakripisyo ang kanyang kayamanan sa true love, nagpakatotoo lang sa kanyang sagot ang TV host-comedian.

Sey ni Willie, “Aanhin mo ang true love kung wala ka namang pera? Kasi di ba, anong gagawin n’yo, magtititigan lang maghapon, tapos mag-aanak lang kayo nang mag-aanak, paano n’yo bubuhayin ang mga bata kung wala kayong pera? Mas maganda kung may true love ka na, may true cash ka pa!?”

Sharon, Gary napanganga sa panggagaya ni Eric kay Willie

Pagkatapos nang limang taon ay muling nakita ang retrato ni Willie Revillame sa ABS-CBN. Taong 2010 ito umalis sa network para lumipat sa TV5 at nanatili naman sa ista-syon nang tatlong taon.

Mula nu’n ay hindi na nakita pa ang video o retrato man ng aktor-TV host sa Dos. Nagkademandahan kasi sila, ipinanalo ni Willie ang mga asunto laban sa kanya ng ABS-CBN, natural lang na hindi na ito suportahan ng pinanggali-ngan nitong istasyon.

Pero nu’ng Linggo nang gabi ay walang pamimilian ang Dos kundi ang ipakita ang standee at mga larawan ni Willie Revillame, ang TV host na gagayahin ni Eric Nicolas, dating jester sa mga programa ni Willie.

Wasak na wasak ang mga judges at manonood sa ginawang panggagaya ng magaling na komedyante kay Willie, hindi ‘yun nakapagtataka dahil mahabang panahon ang kanilang pinagsamahan, alam na alam ni Eric ang galaw at boses ng kanyang kaibigan.

Top 1 si Eric Nicolas nu’ng unang sultada ng Your Face Sounds Familiar, nakaipon siya ng 42 points, aliw na aliw sa kanya si Sharon Cuneta at saludo naman sa kanyang talento si Gary Valenciano.

Palagi naming pinatutugtog ang piyesang “Ating Pag-ibig” ni Eric Nicolas sa aming programa sa radyo.

Nakakaaliw rin ang kanyang kanta, tulad ni Willie ay si Vehnee Saturno rin ang composer ng piyesa, nagsisimula na nga ang pagle-level-up ni Eric Nicolas na napakagaling na stand-up comedian.

Sayang na sayang ang kanyang talento kung hindi ‘yun masisilip ng publiko.

Binigyan ng jacket, cellphone, TV at may bonus pang cash Special child na namamanata sa Quiapo kasama ang Nanay…pinaligaya ni Willie

Umabot na sa iba-ibang bansa ang kadakilaan ng puso ni Willie Revillame, maraming kaibigang tumatawag at nagte-text sa amin ngayon na nakikiusap, pakiparating daw namin sa aktor-TV host ang kanilang paghanga.

Napakasimple lang naman ng senaryo kung tutuusin, tumugon si Willie sa hiling ng mag-inang Aling Jean at Engelbert na ininterbyu ni Jessica Soho na makita siya nang personal, humanap ng panahon si Willie para makipagkita sa mag-ina.

Si Aling Jean na ang tumayong ina ni Engelbert (Kuting ang kanyang palayaw) na may sakit na cerebral palsy, palagi silang namamanata sa Poong Nazareno sa Quiapo, in-upload ng isang kababayan natin sa social media ang kanilang retrato.

Isang magandang istorya ng mag-ina ang i-pinalabas sa programa ni Jessica Soho, mas nagkaroon ng ningning ang istorya nang makita ng mag-ina si Willie Revillame, napakasarap ng ngiti ni Kuting nang makaharap na nito ang kanyang idolo.

Sabi ni Aling Jean, nang mawala raw sa himpapawid si Willie ay hinahanap siya ni Kuting, “Siya lang ang nagpapasaya sa anak ko, kaya nu’ng mawala si Willie sa TV, hinahanap siya palagi ni Kuting.”

Binigyan ni Willie ng jacket, cellphone at TV ang mag-ina, nagbigay rin siya ng monetaryong ayuda, pero hindi na niya ‘yun ipinakita sa mga camera.

Maligayang-maligayang umuwi sina Aling Jean at Engelbert pagkatapos ng kanilang pagkikita ni Willie Revillame. Puring-puri ng ating mga kababayan si Willie dito at sa iba-ibang bansa man.

Napakalapit naman kasi talaga sa puso ng aktor-TV host ang matatanda at bata lalo na ang mga special children. Isa lang ang nasabi ni Willie Revillame sa mga papuring tinatanggap niya, “Masarap tumulong sa mga higit na nangangailangan.

Mula sa puso ang lahat, napakasaya ko kapag nakakakita ako ng mga kababayan nating nakangiti.”

Tulad ng napakasarap na ngiti ng maysakit na si Kuting na hindi mapapantayan nang kahit magkano nang magkaharap na sila ng kanyang Kuya Wil.

Willie pinipilit ng mga kilalang politiko na tumakbong Senador sa Eleksiyon 2016

Maraming alok na sa pagpasok sa mundo ng pulitika ang tinatanggihan ni Willie Revillame. At ang nakagugulat ay hindi niya kailangang magsimula sa ibaba, mataas na posisyon agad ang inilalatag ng mga kumakausap sa kanya, pagiging senador.

Bakit daw hindi tumakbong senador si Wilie samantalang kilalang-kilala siya sa pagtulong sa ating mga kababayan? May punto naman ang mga lumalapit sa kanya dahil maraming buhay na ng mga Pinoy ang kanyang binago sa pamamagitan ng kanyang mga programa.

Ang milyun-milyong papremyo na meron pang house and lot at sasakyan ay hindi nga naman biro, hindi sa lahat ng panahon ay may nakapagbibigay ng ganu’n kagandang oportunidad sa ating mga kababayan, kaya puwedeng-puwedeng kumandidato si Willie sa susunod na taon.

Pero mukhang umuuwing luhaan ang mga emi- saryong nagpupuntahan kay Willie, matatag ang kanyang disposisyong hindi pagtakbo, ang kanyang katwiran ay tama nang nakatutulong siya nang walang anumang posisyon sa gob- yerno.

Kung ngayon gaganapin ang eleksiyon ay siguradong lusot na sa labanan si Willie, mataas na numero ang makukuha niyang boto ng ating mga kababayan, dahil napakaganda ng kanyang puso para makatulong sa ating mga Pinoy na sayad na sayad sa kabuhayan.

Madalas niyang sabihin, tama nang nandito lang siya kapag nangangailangan ng ayuda ang mga kababayan nating kapuspalad, hindi na niya kaila- ngan pang maging pulitiko para lang makatulong.

Totoo ba, Wowowin ni Willie sa GMA tatapusin na?

True kaya ang mga kumalat na chika na tatapusin na agad ang Wowowin ni Willie Revillame sa GMA?
Ayon sa tsismis, hanggang ngayong buwan na lang daw eere ang game show ng TV host.

Pero on going pa rin daw ang negosasyon sa pagitan ni Willie at ng mga bossing ng GMA. May chika na malaki na raw ang nalulugi sa production ni Willie kaya nagdesisyon na silang tapusin ang programa.

Ngunit dinenay naman ito ng ilang taong malapit kay Willie. Bukod dito, meron din namang ulat na gagawin na raw itong araw-araw sa halip na tuwing Linggo.

Marami raw kasing mga tagahanga ni Willie ang nagre-request na gawin na itong daily show para mas marami ang mag-enjoy at matulungan dahil na rin sa malalaking papremyo ng programa.

Habang sinusulat namin ang balitang ito ay wala pang inilalabas na official statement ang GMA 7 at ang kampo ni Willie. Nagsimulang umere ang Wowowin noong May 10, 2015.

Sa lahat ng supporters ni Willie, wag muna kayong mag-panic, baka naman may sorpresa siyang inihahanda para sa inyo.

Willie Revillame may bagong dyowa kaya bumabata

Ipinakita na ni Willie Revillame sa publiko ang bago niyang hotel sa Tagaytay. Ang bago niyang establishment ang pinagkaabalahan ng TV host noong panahong wala siyang programa sa telebisyon.

Proud na ipinakita ni Willie ang pictures ng bago niyang hotel sa YES magazine sa kanyang programa sa GMA na Wowowin sa nakaraang taping niya last Saturday.

Although, hindi pa talaga tapos na tapos ang kabuuan ng hotel, e, very minimal lang daw ang kailangang ayusin. Isa na diyan ‘yung flooring sa labas ng hotel na may part pa na maputik.

Bago at artistically designed ang mga furniture sa hotel, ha. May ilang gamit lang na inilipat nila sa bagong hotel na ginamit sa dati niyang buil- ding na Will’s Events Place.

Nawala man ang Will’s Events Place at Will Tower Mall niya, mas malaki at bonggacious na hotel naman ang i- pinalit ni Willie.

Nilinaw naman ng isang mapagkakatiwalaang staff ni Willie ang rason nang pagkaka-cancel ng nakaraan nilang taping prior sa huli nilang taping last Saturday.

May lumabas kasing balitang walang audience ang Wowowin kaya kinansela ang taping. Napakalakas kasi ng bagyo nu’ng araw na ‘yun kaya nagdesisyon daw si Willie na i-cancel na ang taping para na rin sa kaligtasan ng mga gustong manood sa show niya ng live.

Dahil na-cancel ang taping nila kaya nag-replay sila ng isang Sunday. But back to normal na ang schedule ng Wowowin.

Anyway, mukhang nasa mood at happy si Willie all throughout his taping last Saturday. Bagets na bagets ang kanyang aura.

Ang tsika baka raw may bagong inspirasyon at nagpapasaya na ulit ngayon kay Willie. Na hindi naman namin ikinagulat. Sa hitsura ni Willie at hindi naman siya mukhang DOM (Dirty Old Man) kaya hindi imposibleng may dyowa na uli siya.