Denise Laurel magpapakasal pagkatapos ng Your Face Sounds Familiar

Follow-up sa sinulat namin tungkol sa isa sa contestant ng Your Face Sounds Familiar na si Denise Laurel na pagkatapos daw ng programang ito ay pag-uusapan na nila ng fiancé niya ang detalye ng kanilang kasal.

Iilan lang kasi ang nakakaalam na engaged na si Denise sa boyfriend niyang player ng Barangay Ginebra, ang pointguard na si Solomon Jemuel Mercado, isang Filipino-American.

Kuwento nga ni Denise kuya pa tawag niya noon kay Solomon dahil nga magbarkada sila, “And oh my God, kuya nga, now I’m calling him baby!”

Kuwento ng aktres, magdadalawang taon na silang engaged ni Sol (palayaw ng BF) pero hindi pa raw nila napag-uusapan ang mga detalye ng kanilang kasal at katwiran niya, “Matagal na kaming engaged, kasi alam naman naming para kami sa isa’t isa, so feeling ko, after nitong Your Face, finally magde-decide na kami ng date para sa wedding,” sabi ng aktres nang makatsikahan namin pagkatapos ng presscon ng YFSF.

Pareho raw kasing busy sina Denise at boyfriend niya kaya hindi nila namalayang matagal na pala silang engaged. Bale ba, may anak si Denise sa dati nitong boyfriend na hindi na nakikita ng anak kaya ang kinalakihan na nitong ama ay si Solomon.

“The biological father of my son, he’s on another country, he travels all over the world for his work but I told him if he wants to give (support), it’s okay, it not, it’s okay, too.

My fiancé, I think they were meant for each other kasi since baby pa si Alejandro (pangalan ng anak), may bonding na sila,” sabi ni Denise.

Tinanong namin kung nagsasama na sina Denise at Solomon sa iisang bubong, “Oh no, my parents will die like I will burn in (hell),” mabilis nitong sagot sa amin.

Ibinahagi rin ng aktres na bago raw siya inayang magpakasal, “Before he proposed to me binili niya for us for our future, ‘yung condo (unit) on top of my parents condo para raw hindi niya ako ilalayo sa parents ko at para raw ‘yung anak ko hindi malulungkot na biglang hindi na makakasama ang parents ko.”

Kaya mas lalong napamahal si Denise kay Solomon dahil hindi siya inilayo sa magulang niya na talagang sobra niyang mahal. Retired na pareho ang magulang ni Denise kaya naitanong namin kung siya ang breadwinner ng pamilya.

“In our family, once you’re working, you contribute and if you want something na kailangan, pag-ipunan mo, eversince bata kami, ganyan ang turo sa amin, now that my daddy is retired and my mom is with us, all of us siblings like before naman.

Maski naman they’re working kahit hindi sila humingi kasi hindi naman nila kailangan, nagbibigay ako,” paliwanag nito sa amin.

Denise Laurel: Nawalan ako nang ganang kumanta!

“PRESSURE para sa sarili ko, teaser pa lang ng unang season ng Your Face Sounds Familiar, I said, I wanna do that, I wanna be there gusto ko ‘yan!”

Iyan ang bungad sa amin ng Kapamilya actress na si Denise Laurel sa presscon ng Your Face Sounds Familiar kamakailan kung saan isa nga siya sa masusuwerteng celebrity na magpapakitang-gilas sa pagi-impersonate ng mga kilalang music icons.

“Akala ko nga every weekend ibang set of artists kaya sabi ko I wanna audition. The moment there’s an audition, call me, I want to be there.

“Sabi sa akin, it’s the whole season (same artists), so sabi ko, maghihintay ako for season 2, gusto ko unang day palang ng audition nandiyan na ako, first thing in the morning, hindi ako natulog the night before, bagong gising talaga,” tugon pa ng dalagang ina kung may pressure ba sa kanya ang pagsali niya sa YFSF.

Nabanggit pa ng aktres na sumali siya rito dahil gusto niyang patunayang singer din siya, “Kasi do’n ako na-discover ni Mr. M (Johnny Manahan) sa musical theater, when I thought that it’s been 10 years almost since I’ve sung, or dance on stage, so I wanted to get back in touch with that kung kaya ko pa (kumanta) kung nandiyan pa ang boses ko, kasi for a time, sinabi ko nobody wants to hear me naman, so acting na lang talaga.

“So kinalimutan ko na talaga ‘yung boses ko, kinalimutan ko na ‘yung pagsasayaw, now that I have the chance, more than two lines na ‘yung kakantahin ko, I was so excited, so sa audition, it feels great, kasi at least naibigay ko sa audition ‘yung puso ko,” kuwento ni Denise.

May hugot si Denise sa sinabi niyang walang gustong makinig sa boses niya at manood sa sayaw niya kaya isinantabi niya ito at nag-concentrate sa acting.

Kilala naming mahusay na mang-aawit si Denise, tulad nga ng sinabi niya, sa musical theater siya nagsimula tulad nina Lea Salonga, Monique Wilson, at may pagmamanahan din naman ang aktres dahil mahusay na mang-aawit ang tito niyang si Cocoy Laurel.

Tinanong namin siya kung bakit nga ba nawala ang urge niya sa pagkanta, “I think the reason nga why I joined (YFSF) is gusto kong makita kung kaya ko pa, kasi talagang hindi ko na ginamit ang boses ko, hindi ko na inalagaan,” sagot nito.

Totally hindi pala talaga kumanta si Denise, maski sa bahay nila o sa corporate shows, “Wala talaga, nawalan ako ng gana, nagalit ako sa self ko, naisip ko na baka ako lang sa sarili ko ang marunong kumanta, pero sa ibang tao, hindi (pala). If you’ll see me (behind the scenes ng YFSF), you will see me…struggle talaga, simula pa lang, ang daming doubt.”

“So tingnan natin kung kaya ko pa, now that may bukol ako sa vocal chords. This is the reason why I’m so excited with this one, gusto kong makita kung kaya ko pang mag-perform,” aniya pa.

Kaya kapag may invitation daw siya sa mall ay talagang super excited si Denise, “Ine-enjoy ko talaga, akala mo nagko-concert talaga ako sa mall kasi ang saya-saya ko, kasi yun ang unang salpak ko nu’ng bata pa ako, singing, dan- cing and acting, lahat talaga.

“Pero nu’ng pumasok ako sa mundo ng showbiz, na-rea- lize ko na iisa lang pala, mamimili ka kung singing, dancing o acting, so du’n ko naisip na bakit dito sa Pilipinas, hindi puwedeng maging all around performer, kailangan somebody ka para maging all around performer, akala ko that time, ripe na ripe na ako, ang galing kong kumanta, sumayaw, hindi pala, ngayon ano na ako, rusty na ako, me kalawang na, wala na akong confidence so, I wanna do this (YFSF), I wanna challenge myself,” kuwento pa sa amin ni Denise.

Makakalaban ni Denise sa Your Face Sounds Familiar si- mula sa Setyembre 12 sina Kakai Bautista, Kean Cipriano, Myrtle Sarroza, Sam Concepcion, Michael Pangilinan, Eric Nickolas at KZ Tandingan.