Video ng ‘bodyguard’ ni Lola Nidora nanuntok daw sa ‘Kalyeserye’ kalat na

KUMAKALAT ngayon sa social media ang video ng sinasabing bodyguard ni Lola Nidora (Wally Bayola) na sinuntok umano ang isang lalaking may hawak na bata.

Naka-white t-shirt ang alleged bodyguard pero hindi naman talaga nakunan ng video ang panununtok niya. Bigla na lang kasing nagkagulo. Halatang mainit ang ulo ng sinasabing bodyguard dahil sigaw ito nang sigaw kahit na inaawat siya.

Marami ang nag-react sa nasabing video, sari-sari ang kanilang opinion matapos mapanood ang mga eksena sa video.

May nagsabing, “Sigurado nman may ginawa yun kaya nasuntok. Kung bakit ba nman kasi may mga taong di nalang makuntentong tumingin sa mga iniidolo nila. Kailangan pa tlga malalapitan at mahahawakan nila. Buti sana kung simpleng hawak lang, yung iba kasi pisil, kurot, hablot yung ginagawa. Kawawa din nman yung mga artista.”

Ang paniwala naman ng isa ay, “Baka pa-bodyguard nung barangay na pinuntahan nila and not really one of EB bodyguards? Kasi kung EB bodyguard yan, for sure mataas na tolerance ng mga yun sa mga fans dahil sa almost everyday na ganyang eksena sa brgy.”

“Hindi sa nagpapaka-tard ako ha, sigurado namang may rason yan kung bakit naging ganun yung reaksyon. 

Hindi lang natin makita sa video nang malinaw. Sometimes kasi yung mga tao ang hirap pakiusapan e. Pero dapat nga sanay na sila sa ganun. Siguro napikon,” say naman ng isa pa.

Joey gustong maging ninong sa kasal nina Alden at Maine

Kung mauuwi man sa totohanan ang pag-iibigan nina Alden Richards at Maine Mendoza na nagsimula lang sa makasaysayang kalyeserye ng Eat Bulaga, willing daw si Joey de Leon na tumayong ninong sa kasal ng dalawa.

Kung si Joey daw kasi ang tatanungin, gusto rin niyang magkatuluyan sa totoong buhay sina Alden at Yaya Dub dahil naniniwala siyang bagay na bagay ang dalawa. Sa katunayan, lagi raw niyang kinukulit si Alden kung meron nang something sa kanila ni Maine.

Sa isang panayam sinabi ni Joey na botong-boto sila kay Yaya para kay Alden, at feeling niya, wife material din ang dalaga. Hindi rin naman daw ito dehado sa “manok” nila dahil alam naman ng buong mundo kung gaano kabait at karesponsableng lalaki ang Pambansang Bae.

“Kaya nga minsan, tinanong ko kay Alden kung wala bang tamang pana. Magba-Valentine’s Day na, e. E, bata pa si Alden, e. Sabi lang niya, ‘Meron naman, Tito Joey, meron naman. Tingnan natin.’

“Sana magkatuluyan para matuwa lalo ang AlDub Nation. At kung makasal, lahat kami magni-ninong. Kahit hindi kami kunin, mag-a-apply kami!” natatawang chika pa ng TV host-comedian sa nasabing interview.

Noong Sabado, naging record-breaking na naman ang episode ng Eat Bulaga at ang phenomenal na kalyeserye ng AlDub. Nagtagumpay ang mga Dabarkads sa paglikom ng malaking halaga para sa “AlDub Library Project” sa pamamagitan ng “Tamang Panahon” grand fans day kung saan mu-ling nagkita sina Alden at Yaya Dub.

Bukod dito, tinalo na rin ng #ALDubEBTamangPanahon ang may hawak ng highest number of tweets worldwide, ang #WorldCup match sa pa-gitan ng Brazil at Germany (#BRAvsGER) noong 2014 (with 35.6 million) matapos itong makapagtala ng mahigit 39.5 million tweets.

Ayon naman kay Joey, sa maniwala kayo at sa hindi, hindi na raw nila masyadong iniintindi ngayon ang pagiging record breaker ng Eat Bulaga, “Yun mismong venue (Philippine Arena), world record na, e.

Pero hindi na namin pinapansin ‘yang mga world record. Ang importante sa amin, masaya yung mga tao.” Feeling din ni Joey magtatagal pa sa ere ang kalyeserye ng AlDub ngayong binigyan na ng freedom ni Lola Nidora sina Alden at Yaya Dub.

Sabi nga ni Lola Nidora, wala siyang balak na tapusin ang kalyeserye dahil gusto pa niyang makita ang magiging apo niya.

Wally nagpapatawa pero may matinding problema sa pamilya; anak patuloy na nakikipaglaban sa cancer

Habang nagpapatawa si Wally Bayola sa harap ng camera ay matinding pagsubok naman ang hinaharap nito sa tunay na buhay.

Inamin ng TV host-comedian na sikat ngayon sa Pilipinas at sa iba’t iba pang bahagi ng mundo bilang si Lola Nidora sa kalyeserye ng Eat Bulaga, na hanggang ngayon ay patuloy silang nakilipaglaban para sa paggaling ng anak niyang si Rian na may sakit na kanser.

May orbital tumor ang kanyang 18-year-old daughter at limang taon pa ang hihintayin upang ganap na madeklarang cancer-free ang dalaga.

Dalawang taon nang sumasailalim sa medication ang anak. Kuwento ni Wally sa interview ng Kapuso Mo, Jessica Soho noong Linggo, “Simula nung nadiskubre namin na meron siya nito, sobrang pagsubok sa amin yun.

Hanggang sa paunti-unti na na-survive namin yung mga pangangailangan. “Kailangang matapos niya yung chemotherapy niya, tapos ngayon under medication siya.

Five years pa bago malaman kung talagang total free na siya o puwedeng bumalik (ang cancer). Ngayon nakadalawang taon na siya, may tatlong taon pa,” kuwento ni Lola Nidora.

Lahat daw ay gagawin ni Wally at ng asawang si Riza para gumaling ang kanyang anak. Pagmamalaki naman ng kanyang misis tungkol sa ko- medyante, “He’s very responsible.

Hindi niya talaga kami pi- nabayaan kahit kailan, yung mga bata. Yun yung pinakaano du’n, hindi niya kami iniiwan. Ang bait. Mabait naman si Wally. May konting kalokohan, malaking kalokohan siguro…pero mabait, mabait na tao.”

Natanong si Wally kung paano niya nagagawang magpatawa sa telebisyon sa kabila ng pinagdaraanan nila, “Iniisip ko na lang, ‘O, mamaya ka na.

Mamaya na lang. Mamaya na ‘yang emo-emo, ha. Lola Nidora muna ako.’ Kasi ilang oras lang naman ito, e. Pagkatapos ng Lola, ‘O, balik ka ulit. Bahala kang magmukmok diyan sa gilid.'”

Marami na ring pinagdaanan si Wally sa buhay, kabilang na riyan ang paglabas ng sex video niya. Pero sa kabila ng mga pagkakamaling nagawa niya noon, muli siyang binigyan ng second chance at nakabalik pa sa Eat Bulaga.

Paano nga ba niya nagawang makabawi? “Mahirap na magkamali ka muna bago ka matuto. Much better na matuto ka nang matuto ng hindi ka nagkakamali.”

Nagsimulang bumango muli ang pangalan ni Wally nang gampanan niya ang iba’t ibang karakter sa “Problem Solving” segment ng Eat Bulaga, pero ang pinakasikat nga sa lahat ay ang kanyang Lola Nidora role sa kalyeserye ng Eat Bulaga na siyang kontrabida sa pagmamahalan nina Alden Richards at Yaya Dub o Maine Mendoza sa tunay na buhay.

Wally nakabawi dahil kay Lola Nidora

NGAYONG Linggo, tiyak na mag-e-enjoy ang AlDub fans sa episode na hatid ng nangungunang Sunday magazine program, ang Kapuso Mo, Jessica Soho.

Walang duda, ito ang tamang panahon para sa pinakasikat na love team ngayon. Dahil ang buong Pilipinas, hawa-hawa na sa fever na dala ng tambalan nina Pambansang Bae Alden Richards at ni Yaya Dub o ang Aldub!

Patunay lang kung gaano kapatok ngayon ang AlDub, ang mga artist, dino-drawing na sila. Ang mga musikero naman, lumikha na ng kanta.

At hanggang Dubai, may Pilipinang gayang-gaya si Yaya Dub! Sino nga ba ang hindi nakakikilala sa nagsisilbing hadlang sa pagmamahalan nina Alden at Yaya Dub sa Kalyeserye ng Eat Bulaga?

Ang mataray pero wagas din kung makahugot na si Lola Nidora. Ang karakter na ito ay buong husay na ginagampanan ng komedyanteng si Wally Bayola. Maliban kay Lola Nidora, umaarte rin si Wally bilang apo ni Lola Nidora na si Duhrizz at maging si Doktora d’ Explorer.

Sa isanlibo’t isang mukhang kanyang ginagampanan, sino nga ba talaga si Wally Bayola? Mas kilalanin pa siya ngayong gabi dahil marami siyang aaminin on national TV.

Hindi lang iyan. Ilang buwan bago ang kanyang nakatakdang panganganak, kukumustahin din ng KMJS ang pinakaseksi na sigurong buntis ngayon sa balat ng lupa – ang Kapuso Primetime Queen na si Marian Rivera.

At kasama ang kanyang fans, isang mala-baby shower na pagtitipon ang inihanda ng KMJS para sa kanya. Tutukan ang Kapuso Mo, Jessica Soho ngayong Linggo ng gabi, pagkatapos ng Ismol Family, sa GMA 7.

‘Rambutan’ ni Wally agaw-eksena sa love story ng AlDub

Sumakit ang panga namin sa katatawa nu’ng mapanood namin ang episode ng Eat Bulaga kung saan nag-hello ang ipinakakatagu-tagong rambutan sa pagitan ng dalawang hita ng magaling na komedyanteng si Wally Bayola.

Hindi namin ‘yun nakita mismo, pero nakakahawa ang sobrang paghalakhak nina Jose Manalo, Allan K, Paolo Ballesteros, Senator Tito Sotto at Joey de Leon.

Grabe ‘yun! Mabuti na lang at maraming hosts ang Eat Bulaga, kapag iniihit ng katatawa ang isa o dalawang hosts ay meron pa ring magsasalita sa ere, hindi nagkakaroon ng dead air.

“Sumungaw!” sigaw pa ni Jose na talaga namang nagpahalakhak sa lahat ng hosts, lalo na kay Allan K na tumayo na at saka akala mo naghe-headbang sa sobrang katatawa, nakakaengganyo ang kanilang sobrang kasiyahan sa noontime show.

Si Wally naman bilang ang New Yorker na si Dhories ay wala na ring nagawa, yumuko na lang siya at saka humagalpak sa katatawa, mabuti na lang ay may suot siyang malaking sombrero para matakpan ang kanyang mukha.

Grabe ang Eat Bulaga, mula Batanes hanggang Jolo talaga ang hatid nilang saya sa manonood, isang tanghali ‘yun na halos kabagan na kami sa pakikihalakhak sa mga hosts ng noontime show.

Kabog pa rin ng AlDub ang kanilang kalaban, magdikit lang ang pisngi nina Yaya Dub at Alden Richards sa split shot sa TV ay hindi na magkamayaw sa pagsisigawan at kakiligan ang kanilang mga tagahanga, paano pa sila mahahabol ngayon ng mga napipikon na nilang katapatan sa tanghalian?

Hampasin man nila nang hampasin ang kanilang kabayo ngayon ay hindi na makahahabol ang katapatan ng Eat Bulaga dahil sa milya-milya na nilang layo.

May lagnat na talaga ang buong bayan sa tambalan nina Alden Richards at Yaya Dub. Lagyan na natin ng check ‘yan!

Eat Bulaga: AlDub Day 23 (Wedding Crasher)

Wally kay Yaya Dub: Maayos naman siyang magsalita, pero surprise muna!

MALAKI ang utang na loob ni Alden Richards kay Maine Mendoza, o mas kilala nga- yon bilang si Yaya Dub, ang sidekick ni Wally Bayola sa Juan For All, All For Juan segment ng Eat Bulaga.

Ayon kay Wally, pwedeng-pwedeng maging artista si Yaya Dub dahil may kakaiba itong karakter, at agree siya sa mga nagsasabing may magic ang tambalan nila ni Alden Richards.

In fairness naman, mas lalong nakilala ng madlang pipol si Alden mula nang sumikat ang loveteam nila ni Maine sa Eat Bulaga na “AlDub” na pinag-uusapan hanggang sa ibang bansa.

Kaya nga agree rin kami sa mga nagsasabi na dapat ay bigyan agad ng sariling teleserye ang dalawang dabarkads habang mainit na mainit pa ang kanilang tandem.

Nang makachika naman namin si Wally kasama ang iba pang members ng entertainment media sa presscon ng Sunday PINASaya, sinabi ng comedian na saktung-sakto ang pagdating ni Yaya Dub sa Eat Bulaga dahil usung-uso nga ang Dubsmash ngayon.

Imagine, halos isang buwan pa lang si Yaya Dub sa longest-running noontime show ng GMA, pero sikat na sikat na ito nga- yon.

Tinanong si Wally kung ano ang masasabi niya tungkol kay Yaya Dub bilang siya nga ang laging kasama nito sa segment ng Eat Bulaga bilang si Lola Nidora.

“Wala, tahimik lang din, nag-aaral ng dubsmash niya,” maikling sagot ni Wally. Tinanong daw nila ang dalaga nu’ng unang araw nito sa Eat Bulaga tungkol sa background nito at kung saan nag-aral.

Dito rin nila nalaman na crush talaga ni Maine si Alden. “Kaya siya nagulat nang makita niya (si Alden), yun ang simula,” sey ni Wally.

Feeling ba niya, may future talaga sa showbiz si Maine? “Oo, naririnig din naman naming magsalita, maayos magsalita, pero siyempre surprise muna.”

Kailan ba magkikita nang personal ang dalawa? “Hindi ko alam kung papayagan ko ang dalawa!” natatawang biro ni Wally bilang si Lola Nidora.

Nagulat din sila ni Jose Manalo at ng iba pang dabarkads sa biglang pagsikat ng AlDub. Sabi nga ni Jose sa amin, hindi sadya ang pagtatambal nina Alden at Yaya Dub, bigla na lang daw itong umusbong na parang kabute.

Sey naman ni Wally sa phenonemal loveteam, “Natutuwa na nalulungkot. Lalo na ngayon, maraming nagagalit dun sa mga AlDub fans na bakit daw pinaghihiwalay ang dalawa.

Sinasabi ko na lang, basta may dahilan. “At saka, sinasabi ko na lang na hindi rin naman ako puwedeng sumagot…kumbaga, acting yun.

Bahala na lang din ang mga magulang na mag-explain sa mga bata,” chika ni Wally. Sa pagkokontrabida niya sa AlDub, marami na ang naiinis sa kanya, buti raw wala pang bumabato sa kanya sa kalye.

Sabi naman namin, mas marami ang tuwang-tuwa sa kanya sa Eat Bulaga, lalo na sa hit na hit ngayong kalyeserye. “Yung ginagawa ko naman po ay hindi naman po sa akin, Eat Bulaga po yun.

Si Jose, hindi ko naman magagawa yun kung ako lang. Kumbaga, nagagawa naman namin ang trabaho namin, masaya na po kami du’n,” anang komedyante.