Liza nakabili na ng bagong bahay para sa pamilya; muling mag-iipon para sa sariling dream house

NAKAKATATLONG taon pa lang si Liza Soberano sa showbiz ay heto’t nakabili na siya ng sariling bahay para sa kanyang pamilya sa isang eksklusibong subdibisyon.

Kaya nga biro namin sa dalagita ay isang bahay at condo pa ang bubunuin niya dahil ito ang usapan nila ng manager niyang si Ogie Diaz base sa kanilang 10-year contract.

Sagot ng dalagita, “Opo, pero matatagalan pa po ‘yun kasi ito talaga ‘yung magiging dream house ko.”

Sa bagong biling bahay na nakatira ngayon ang mag-anak ni Liza, “Kasi at least, alam ko na safe na ako na may house na akong stable at alam ko na kung may mangyari sa akin, knock on wood, at least, mayroon silang titirhan and I don’t have to worry about that.”

Samantala, inamin ni Liza na hindi siya mahilig magpalinis ng kuko sa salon dahil siya lang daw ang naggugupit ng mga kuko niya sa kamay at paa lalo’t maiiksi naman ang mga ito.

Sabi ng batang aktres ay kapag may okasyon siyang pupuntahan ay saka lang siya nagpapa-manicure at pedicure pero kung sa taping o shooting lang naman ay dedma siya.

“At least now, may professionals ng magka-cut at maglilinis ng nails ko, lalo na sa mga photo shoot ko sa ASAP na rati hindi ko nagagawa ‘yun, at least ngayon may (regular) ng mag-aalaga,” say nito sa ginanap na contract signing bilang unang celebrity endorser ng Nails.Glow Spa Salon kasama ang manager niyang si Ogie at may-ari na sina Ferdie at AJ Opena.

Ang pagiging simple at maganda ni Liza ang nagustuhan sa kanya ng lahat kaya naman sa ginanap na survey ng mag-asawang Ferdie at AJ kasama ang binuong research team at group discussion among their franchisees para sa kukunin nilang ambassadress ay pangalan ng batang aktres ang binabanggit.

Inamin naman ng mga may-ari ng nasabing nail salon na maraming binanggit na teenstar na sikat din, pero si Liza ang nanguna sa survey kaya hindi na sila nagdalawang-isip pa dahil kaagad na nilang kinuha para maging mukha ng kanilang kumpanya na mayroon ng 40 branches sa buong Pilipinas.

Malaki raw ang pagkakaiba ng nasabing salon sa iba, “Usually kasi kapag maganda o high-end ang dating ng salon, akala nila, mahal, pero sa amin, sosyal ang salon pero pang-masa ang presyo kaya maraming nagugulat na ganu’n lang pala ‘yung babayaran nila after the services,” kuwento ni Ferdie.

Ang ilan sa mga branches nila ay matatagpuan sa Tandang Sora, Quezon; Farmer’s Plaza, Cubao; Tanay Rizal; Frisco; Binondo Manila, Zapote, Las Piñas, Guiguinto, Bulacan, Starmall Molino, Cavite, Anonas, Cubao, Sta. Lucia East Grand Mall, Cainta at marami pang iba.

Tulad ng inaasahan, sa darating na Star Magic Ball ay si Enrique Gil ang ka-date ni Liza, dito na nga nabanggit ng dalaga na gustung-gusto niya ang mga kuko ng aktor dahil malilinis kahit na hindi ito nagpapa-manicure.

“Turn off po ako sa maruming kuko, saka gusto ko ang magandang feet like my father. Hindi ko pa nakita ang mga kuko ni Ken (Enrique) sa paa kasi parati siyang naka-shoes,” sabi ni Liza.

At dahil permanenteng loveteam na sina Liza at Enrique kaya muling tinanong ang dalagita kung kailan nila ito gagawing totoo. “Ahm, nagpaparamdam po siya, pero ang priorities ko, I’m focusing on my career talaga kasi marami pa po akong kailangang bayaran lalo na ‘yung bahay ko,” sabi ng dalagita.

At kapag nagpaparamdam daw ang binata sa kanya, “Shrug off lang,” sambit ni Liza. Kaya tinanong namin kung selosa siya kapag nakikita niyang may ibang kausap na babae si Enrique, “Hindi naman po wala naman po,” sagot niya.

Sa darating na Enero 4, 2016 ay isa nang ganap na dalaga si Liza pero wala raw debut party na magaganap dahil ayaw niya.“Ayoko lang po ng engrandeng debut kasi preparations for it parang sobrang daming stress na mapupunta sa akin, gusto ko lang charity events.

“Simpleng party with family and close friends, ‘yun lang po, I really want it to be sentimental and I just want to be with the people I love talaga on my 18th birthday and to start something new.

“Kinausap na po ako ni Mr. M (Johnny Manahan) at sabi niya, hindi raw po niya ako pipilitin kung ayaw ko,” paliwanag ng dalagita.

Gusto rin daw magkaroon ni Liza ng action movie, “Kasi po dito parang walang ganu’n, I like The Walking Dead TV series in America, so ako, naastigan ako sa mga ganu’n, so I just wanna try to build-up once, kasi dito sa Philippines walang gumagawa, sa mga indie (films) lang, so gusto kong gawin ito sa mainstream para maiba naman,” pahayag pa ng dalaga.

Busy si Liza sa shooting ng bagong movie nila ni Enrique at inihahanda na rin ang next soap nila

Enrique ‘UNGGOY’ ang tawag kay Liza

Alam n’yo ba kung bakit “monkey” ang tawag ni Enrique Gil sa kanyang ka-loveteam na si Liza Soberano?
Kwento ng binata nang makapanayam ng ilang reporter pagkatapos ng story conference para sa follow-up movie nilang “Everyday I Love You,” yun daw ang term of endearment nila ni Liza sa isa’t isa simula nang maging close sila.
Si Liza ang nagpaliwanag kung bakit “monkey” o unggoy ang tawag sa kaya ni Enrique, “Kasi nu’ng bata ako mayroon akong stuffed animal ang pangalan niya Monkey Mo kasi monkey na emo.
Then siya nu’ng bata siya may monkey din siya.” Esplika naman ni Quen, “Monkey lang ‘yung stuffed toy ko si Abu, ‘yung sa ‘Alladin.’
So sabi ko parehas tayo nu’ng bata pa, monkey, kaya ‘monkey’ ang tawag ko sa kanya.” Samantala, ngayon pa lang ay inaabangan na ng kanilang fans ang susunod nilang pelikula kung saan makakasama nila si Gerald Anderson under Star Cinema.

Enrique Gil, Joey Marquez saksi sa binyag, kumpil at first communion ni Liza Soberano

SPEAKING of Liza (Hope Elizabeth Soberano sa tunay na buhay), nu’ng Biyernes pala ay bininyagan ang Kapamilya princess kasabay ng kanyang kapatid na si Justin David.
Bukod sa binyag, isinabay na rin ang kumpil at first communion ni Liza na ginanap sa Nuestra Señora Dela Paz y Buenviaje Parish sa Old Balara, Quezon City. Ito’y sinaksihan ng pamilya at ilang kaanak nina Liza, pati na rin ng ilang malalapit niyang kaibigan.
Ilang larawan ang kumalat sa social media kahapon na kuha sa simbahan, at ilan sa mga celebrities na nakita naming present sa napakaimportanteng bahagi ng buhay ni Liza ay ang ka-loveteam niyang si Enrique Gil at si Joey Marquez, ang gumanap na tatay ng young actress sa seryeng Forevermore.

Piolo tinawag na tito ni Liza: Huwag mo nang uulitin ‘yun!

Tawa kami nang tawa nu’ng Linggo ng hapon habang nanonood ng ASAP 20 sa ABS-CBN kung saan nag-celebrate ang lahat ng Star Magic artists para sa ika-23 anibersaryo ng talent center ng Kapamilya network.
Kuwela kasi ang eksena nina Liza Soberano at Piolo Pascual sa isang segment ng nasabing Sunday noontime show.
Tinawag kasing “tito Piolo” ni Liza si PJ habang ipinakikilala nila ang susunod na magpe-perform sa stage ng ASAP. Kaya naman tinukso-tukso na si Piolo ng iba pa nilang kasamahan sa programa, partikular na sina Bea Alonzo at Jodi Sta. Maria.
Pagkatapos kasing magsalita ni Piolo sa kanilang spiel, sumunod naman si Liza at nag-dialogue ng, “Tama ‘yan, Tito Piolo…!” Na sinundan na nga ng tawanan ng iba pa nilang kasamahan sa show.
Ang tumatawang hirit ni Jodi, “Ang tanda ng Tito Piolo!” Humirit naman si Bea at tinawag ding “Tito!” si PJ. Kaya naman nagkunwari ang aktor na magwo-walkout siya.
Kaya naman ang birong tugon ng reigning Box-Office King, “Huwag mo nang uulitin ‘yon, Liza…!” Nag-sorry naman si Liza kay PJ.
Habang nasa backstage, nagpakuha uli si Piolo kasama si Liza at ipinost sa kanyang Facebook account.

Liza Soberano (1998 - )

Liza Soberano

Born: Hope Elizabeth Soberano
           Jan 4, 1998 
           Quezon City, Philippines
Screen Name: Liza Soberano
Occupation: Actress, Talent
Yrs active: 2012-present
Height: 5 ft  6 in 

Hope Elizabeth Soberano is a young actress from the Philippines. She become more popular in the Philippines for her role as young sister of Jake Cuenca in Kung Ako'y Iiwan Mo, ABS-CBN. She's also under of ABS-CBN's talent management Star Magic circle 2013 with co-actress Jane Oineza, Julia Baretto, Michelle Vito and Janella Salaador and Ingrid dela Paz. She grew up in United States.