Enrique at Lisa tsinugi sa MMFF

PINALITAN na nina Kim Chiu at Xian Lim sina Enrique Gil at Liza Soberano sa pelikula nina Kris Aquino at Quezon City Mayor Herbert Bautista sa pelikulang “Pamilyang Love, Love, Love” na entry ng Star Cinema sa 2015 Metro Manila Film Festival sa direksiyon ni Antoinette Jadaone.

Tinanong namin ang executive ng Star Cinema na si Roxy Liquigan kung bakit pinalitan ang LizQuen, “Schedule problems” ang sabi sa amin.

Hindi pa raw kasi tapos ang shooting nina Liza at Enrique sa pelikulang “Everyday I Love You” na tiyak na hindi kayang lagariin ng dalawang artista.

At tila hindi aware ang manager ni Liza na si Ogie Diaz dahil nu’ng i-text namin ang talent manager-comedian tungkol sa balitang ihihiwalay na ang dalaga kay Quen ay nagulat ito at sumagot ng, “After

Everyday I Love You, gagawin nila ang Kris/Herbert filmfest, eh.”

Anyway, hindi na kami magtataka kung mas lalong magiging bayolente ang supporters ng LizQuen sa pagkakatanggal sa mga idolo nila sa MMFF entry nina Kris at Bistek dahil ito sana ang kauna-unahang pagsali ng magka-loveteam sa MMFF.

Kaya’t salpukan to the max na ang mga sikat na loveteams sa darating na MMFF 2015 dahil kung may JaDine (James Reid at Nadine Lustre) sa entry nina Vice Ganda at Coco Martin ay maroon namang KimXi sina Bistek at Kris.

Hindi nakasama ang KathNiel (Daniel Padilla at Kathryn Bernardo) dahil super ngarag daw ang dalawa sa taping ng Pangako Sa ‘Yo.