Jake tinawag na sinungaling at adik ng bashers; rumesbak agad

Rumesbak si Jake Cuenca sa mga netizens na tumawag sa kanya ng “sinungaling” at “adik”. Ito’y matapos magdenay ang hunk actor na may kinalaman siya sa paglalasing ni Enrique Gil sa loob ng eroplano habang papunta sila sa London kasama ang iba pang Star Magic artists.

Ayon kasi sa naunang report, sila raw ni Paulo Avelino ang bigay nang bigay ng alak kay Enrique hanggang sa malasing ito kaya nagwala raw ang binata at nasigawan at namura ang ka-loveteam nitong si Liza Soberano pati na ang kaibigang si Jessy Mendiola.

Sa interview ng press kay Jake sa nakaraang presscon ng ikalawang season ng seryeng Pasion de Amor na magsisimula na ngayong Lunes sa ABS-CBN, mariing itinaggi ni Jake na sila ni Paulo ang dahilan kung bakit nalasing si Quen (palayaw ni Enrique).

Tulog daw siya sa buong biyahe nila patungong London. Matapos nga siyang magdenay, isang netizen ang nag-post ng mensahe sa Twitter kung saan tinawag si Jake na “sinungaling”, “adik” at “nanlalaglag ng kaibigan.”

Sagot naman ng aktor, “Kahit kailan hindi ako nanlaglag ng kaibigan. Protectahan oo…Pero laglag? Never in my life. Be patient and truth will come out.”

Sa isa pang post ni Jake sa kanyang Twitter account, mababasa ang, “Don’t be too quick to judge” at “But to be misinterpreted for something you didn’t do and then be judged for that, it hurts. But hey, that’s life… You gotta roll with the punches.”