Higit sa paghahanap ng bagong pag-ibig, ang kwento ni Pastillas Girl na araw araw nasasaksihan ng madlang people sa It’s Showtime ay kwento ng isang babaeng naghahangad ng bagong pagkakataon sa buhay.
Tulad ng ordinaryong mga babae na nasaktan, nais lang ni Pastillas Girl o Angelica Yap sa totoong buhay, na muling buuin ang sarili at muling maniwala sa pag-ibig.
Unang sumikat dahil sa kanyang online video na “How to Make a Pastillas” kung saan may “hugot” lines siyang binabato habang pinapaliwanag ang hakbang ng paggawa ng pastillas, si Pastillas Girl ay kusang dumulog sa It’s Showtime para humingi ng payo kay Madam Bertud sa segment na “AdVice Ganda.” At sa kanyang paglalahad, naantig ang puso ng mga manonood at tatlong lalaki – isa mula sa studio audience at dalawa mula sa Twitter – ang nagpahayag ng kanilang intensyong makilala pa si Pastillas Girl.
Noong Sabado (Sept. 19), naglakas-loob ang kanyang ex-boyfriend na si Enzo na harapin si Pastillas Girl upang humingi ng tawad, linawin ang mga tanong na bumabagabag sa isipan niya, at lagyan ng pormal na closure ang kanilang naging pagsasama.
“Pasensya ka na rin. Hindi ko naman intensyon na kumalat ang video. Hindi ko intensyon na mag-viral. Hindi ko pinlano na andito ako ngayon. Tandaan mo na sa mga nangyari sa atin, wala akong pinagsisisihan,” emosyonal na pahayag ni Angelica sa komprontasyon niya kay Enzo.
Maging ang pamba-bash ng netizens ay tiniis niya sa ngalan ng pagpapakatotoo sa kanyang nararamdaman, “Totoong tao ako. Hindi po ako artista, bago po ito lahat sa akin.
Sana kilalanin n’yo muna ako bago niyo ako i-judge. Lahat ng tanong niyo kaya kong sagutin, binuksan ko po yung buhay ko para po dito,” sabi pa nito.
Dahil sa pagi-ging totoo niya kung kaya’t kinakapitan din siya ng viewers at maging ng netizens na nagpapahayag kung paano sila nakaka-relate kay Pastillas Girl sa pamama-gitan ng interactive at live tweet component ng segment.
Ano pa ang magaganap sa paghahanap niya kay Mr. Pastillas sa darating na mga araw? Samantala, magaganap ngayong tanghali ang inaaba-ngang 6th anniversary kick off ng Kapamilya noontime show na pinamagatang “It’s Showtime Kapamilya Day: The ANIMversary Kick Off.”
Makakasama sa selebra-syon ang pinakamalalaking Kapamilya loveteams KathNiel, JaDine, LizQuen and KimXi, Kapamilya Gold at Primetime Bida stars, The Voice Kids season two finalists, PBB 737 Teen Big Four, cast ng “Etiquette for Mistresses” at Primetime King Coco Martin.
No comments:
Post a Comment