Taliwas sa inaakala ng ilan, hindi scripted ang pagkawala ng malay ni Yaya Dub, o Maine Mendoza, sa Eat Bulaga! kanina, August 8.
Nasaksihan ng maraming manonood nang himatayin si Yaya Dub sa "kasal" nila ni Frankie (Jose Manalo) sa episode ng "Kalyeserye" nila kanina.
Dapat sana ay iyon ang magiging unang pagkikita nina Alden Richards at Yaya Dub—o mas kilala sa bansag na AlDub—ngunit hindi natuloy dahil sa biglang pagkahimatay ni Maine.
Marami nga ang nag-akala na scripted ang nasabing eksena, ngunit kinumpirma mismo ng mga taga-Eat Bulaga! na totoong nahimatay si Maine.
Kuwento pa nga ni Jose sa nangyari kay Maine, "Bumulong siya ng 'kuya.' Tapos humawak nang mahigpit... Yun na, nawalan na ng malay."
Pero ngayon ay maayos na ang kalagayan ni Maine.
Mensahe ng Eat Bulaga! sa kanilang Facebook page: "Para sa mga Dabarkads, ok na po ang kalagayan ni Yaya Dub.
"Dinala po siya kanina sa Cardinal Santos Medical Center.
"Wala po tayong dapat ipag alala. Konting pahinga lang po ang kailangan.
"Maraming salamat po sa inyong pagmamahal at pagsuporta sa kanya. Maraming salamat sa mga nagmamahal sa AlDub."
Nag-post din si Yaya Dub ng kanyang larawan sa Instagram habang nasa hospital, ngunit nakakatawa pa rin ang kanyang pose.
Bungad niya, "Alive and still kicking!"
Ipinaliwanag din ni Maine na masama na ang kanyang pakiramdam noong umaga pa lang.
No comments:
Post a Comment