HINDI istrikto si Marjorie Barretto pagdating sa lovelife ng anak na si Julia. Sa katunayan, pinapayagan niya agad ang dalaga kapag makikipag-date ito.
Pero mariin niyang itinanggi na playgirl ang anak tulad ng mga naglalabasang tsismis. Kung sinu-sino raw kasi ang nakikitang ka-date nito gayung nababalitang nagkakamabutihan na sila ni Inigo Pascual.
Sa presscon ng bagong teleserye ng TV5 na My Fair Lady, kung saan isa sa magi- ging kontrabida si Marjorie, nasasaktan siya bilang ina sa kung anu-anong malilisyosong chika about Julia.
“I feel unfair for her. Pero it’s part of the business, e. Minsan nga, mas marami pang alam ang mga tao kaysa sa amin. “Minsan kahit siya, nakita raw sa ganito, parang, ‘Huh? She’s never been to that place.’
It’s part of the business,” paliwanag ng comebacking actress. Kamakailan kasi ay naba- litang nakita si Julia na ka-date si James Reid sa isang coffee shop na idinenay naman ng dalaga.
Kaya natanong si Marjorie kung alam ba niya ang tungkol dito, “I know everything so I don’t have to ask her. I know where she goes and she really doesn’t have time to go dating.”
Pero pinapayagan naman daw niya ang anak na lumabas-labas, “Oo naman. I don’t wanna be a corny mom. Baka kapag pinigilan ko, hindi na magkuwento ang mga anak ko.”
No comments:
Post a Comment