Wednesday, July 1, 2015

Dennis puro reklamo sa bagong pelikula: I hate it! Wala akong choice!


Nagrereklamo si Dennis Trillo sa long hours ng pagtatrabaho niya bilang isang kilalang personality sa isang epic movie. Inabot kasi ng 16 hours ang shooting nila, eh, puro prosthetics siya kaya naman nagrereklamo na siya.
When a follower on his Instagram account said na nasobrahan siya sa pagmamahal niya sa trabaho kaya naman mahal din siya nito ay isang, “hindi din! I hate it! Wala lang akong choice” ang agad-agad na sagot ni Dennis.
Actually, Dennis, mayroon kang choice. Pinili mo ang movie na ‘yan, eh, di magdusa ka. Alam mo naman sigurong may prosthetics na ikakabit sa mukha mo para maging kamukha mo ang character na ginagampanan mo kaya walang ibang dapat sisihin kundi ikaw.
Kung nagrereklamo ka dahil sa haba ng oras ng pagtatrabaho mo, aba layasan mo na lang ang movie na ‘yan kung hindi ka na masaya. At sisihin mo ang manager mo for booking you for a project na napakahirap naman palang gawin.
Ang hirap sa mga artista kapag walang project nagrereklamo. Kapag meron naman ay nagrereklamo pa rin.

Babala ni Martin sa Netizens: Wag ninyong idadamay ang pamilya ko!


Inamin din ni Martin del Rosario sa amin na never talaga niyang naisip na magtanong, lalo na ang mag-demand sa GMA 7 kung ano ba talaga ang plano ng network sa career niya.
“Kasi po lagi kong pinaniniwalaan ang initial talks namin at alam ko naman pong hindi rin nila ako kukunin kung wala silang gagawin sa aking career,” simpleng paliwanag ng URIAN Best Supporting Actor this 2015.
Sa gagawing project ni Martin na Buena Familia, sinabi nitong may bago siyang baon na inspirasyon at sana raw ay mai-share niya ito nang maayos. “Hardworking po kasi talaga ako at kung ano yung ibinibigay sa akin, as much as possible ay magawa ko nang maayos.
Kung may recognition mang dumating gaya nitong sa URIAN, super big bonus na though ibang klase pa rin yung feeling,” dagdag nito.
Ayaw ipasok ni Martin sa isip niya na magaling siyang aktor dahil mas gusto niyang ma-recognize bilang mahusay na katrabaho.
In fact, kahit ang mga intriga sa kanya lalo na yung paulit-ulit na gender issue at diumano’y pagpose niya ng nude sa mga photos at iba pa ay nagagawa na lang niyang palampasin dahil aniya, “Wala naman po talagang magagawang positibo kung papatulan pa dahil wala namang katotohanan.”
Pero kapag nadamay na ang pamilya niya, “Ibang usapan na po yun. Baka du’n na ako mag-react.”


Dennis Padilla: Ang magulang, hindi kayang tiisin ang anak


MANILA, Philippines – Dennis Padilla can relate to his role in the film “The Breakup Playlist,” where he portrays the role of Sarah Geronimo's lenient father.
He says his parenting style is the same as with his character in movie, where he treats his children as peers. Yet when things goes overboard, he shows his disciplinarian side.
“May mga bahagi sa buhay na pagiging lenient ng magulang sa anak, kumbaga may cut-off,” he explained in an interview at the red carpet premiere of "The Breakup Playlist" on Tuesday. “'Pag lumagpas 'yan sa limit or boundary na nadi-disrespect mo na ang parents mo, it's about time to remind them na, 'Anak, hindi mo ako kabarkada, tatay mo ako.'”
Dennis has five children with estranged wife Marjorie Barretto, and one of them is young actress Julia Barretto.

Jc hindi ugaling-ahas: Ayoko ngang masyadong magdidikit kay Maja, e

Jc hindi ugaling-ahas: Ayoko ngang masyadong magdidikit kay Maja, e!



HINDI nakarating si JC de Vera sa grand presscon ng pelikulang “So It’s You” kasama sina Carla Abellana at Tom Rodriguez mula sa Regal Entertainment na idinirek ni Jun Lana. Tanghali na kasi siyang na-pack up sa taping ng The Legal Wife.
Hindi naman itinanggi ni JC na hindi kasing heavy drama ng Legal Wife at Moon of Desire ang kuwento ng “So It’s You” na mapapanood bukas, Miyerkules, “Feel good movie lang, light drama lang,” sabi ng aktor.
Nagagandahan si JC kay Carla na first time niyang makatrabaho pero wala raw sa puntong liligawan niya ang aktres na kahihiwalay lang sa boyfriend nitong si Geoff Eigenmann.
“Maganda si Carla, pero naka-focus kasi ako ngayon sa work. At sa rami ng work ko, wala na rin akong time sa sarli ko. Kasi most of the time, ibinibigay ko na rin sa trabaho lahat.
Kaya hindi ko rin maasikaso. Kahit nga ‘yung textmate-textmate, nami-miss ko nga, wala kasi akong ka-textmate,” pag-amin ng binata. Samantala, ang ganda ng career ngayon sa ABS-CBN ni JC kaya naman inspired siyang magtrabaho dahil dalawang programa niya ang umeere sa isang araw, ang Moon of Desire nga sa hapon at ang The Legal Wife sa gabi.
Napangiti nga ang aktor dahil maganda ang mga project niya kaya ang tanong namin kay JC ay kung alam ba niya na maraming home grown talents ng ABS-CBN ang naiinggit sa kanya.
“Hindi mo maiiwasan, katulad ng sinasabi ko sa lahat, hindi sinasadyang maging dalawang show na sabay, nagkataon lang.
“Kasi ‘yung naka-project na time na sisimulan ang Legal Wife ng sometime June or July na target date to start taping na magra-run for six months so dapat December (2013) tapos na tapos sisimulan ko ‘yung Moon of Desire.
“Pero ang nangyari, delay nang delay ang Legal Wife, nag-start almost November (2013) na, kaya nag-abot sila ng Moon of Desire. At alam ko rin na mas kokonti ang scenes ko sa Legal Wife compared to Moon of Desire, so tinanggap namin ‘yung Moon of Desire kasi ‘yung focus (istorya) ay napunta sa akin,” katwiran pa sa amin ng aktor.
Samantala, unang beses makatrababo ni JC sina Jericho Rosales at Maja Salvador at aminadong sobrang starstruck at intimidated daw siya sa dalawa, “Intimidated talaga ako sa kanya (Echo), alam kong napakagaling niyang artista,” aniya.
Sabi namin magaling din naman siya at hindi naman siya napag-iiwanan sa acting, “Well, siguro dahil din sa kanila (Maja, Echo at Angel) kaya ko rin pinagbubuti ang papel ko.
Kasi mahirap maiwanan kaya dahil din sa kanila kaya ako nakakasabay, natsa-challenge ako, di ba? “At dahil magaling silang tatlo, siyempre, hindi ko puwedeng pabayaan ‘yung mga bida ko kasi kailangan ko silang suportahan, hindi tatawid ‘yung scene kung hindi ko aayusin ‘yung sa akin (karakter) kaya sila rin ang dahilan kung bakit namarkahan ang karakter ko,” katwiran niya sa amin.
Paano naman ikukumpara ni JC ang ABS-CBN sa GMA 7 in terms of work ethics? “Sabihin nating prime ngayon ng ABS, mas competitive sila, mas mataas ‘yung goal nila ngayon.
“Pareho naman sila ng standard ng GMA, gandang shows, since ambitious nga itong mga nasa ABS dahil gusto nila ng magagandang mga palabas, sila mismo ang critic sa sarili nilang programa nila kung maganda ba ito o hindi.
Hindi sila magse-settle sa, ‘puwede na ‘yan, okay na ‘to.’ “Kasi maski na ‘yung show na panghapon, namamatay kami sa hirap, pero panghapon lang ‘yun,” paliwanag sa amin.
Kung sakaling magtapos na ang dalawa niyang serye, posibleng mabakante ulit si JC dahil ganito naman ang istilo sa ABS-CBN na may “pahinga” moment ang mga artista.
“Ako, naman thankful na rin kung ano ‘yung ibinigay nila sa akin kasi, once in a lifetime ‘yun. Hindi ko na maulit ulit or ‘yung possibility na maulit uli, e, matagal pa. So pinagpahinga nila ako, hindi ko call ‘yun,” saad ng aktor.
Sa edad na 28 ay wala pa sa isip ni JC ang pag-aasawa, “Walang specific age, kung darating, e, di darating, pero siyempre hindi natin masabi.”
Aminadong crush ni JC si Maja at posible naman daw niyang ligawan ito kung walang boyfriend. Pero biro namin sa kanya, boyfriend palang naman, at hindi pa asawa.
“Ay iyon naman ang hindi ko gagawin kasi nirerespeto ko sila, maski nga sa taping, hindi ako madikit kay Maja, hindi naman ako ilag, alam ko lang ‘yung limitasyon ko, hindi ako mahilig makigulo.
“Hindi ko kasi ugali ‘yun (manulot), pag alam kong may boyfriend na, hindi ko ugali,” say ng binata. Samantala, hindi pala ni-renew ng TV5 ang kontrata ni JC kaya siya napunta sa ABS-CBN, “Iyon nga po ang kuwestiyon sa akin bakit hindi ako ni-renew.
Pero siguro may dahilan kasi may nag-open na window sa akin, itong ABS nga. “Kasabay po ng pag-expire ng kontrata ko sa TV5 ang kontrata ko kay tita Annabelle (Rama) bilang manager ko kaya nu’ng nakahanap na po ako ng bagong manager, si tito Leo (Dominguez) nga, nagpatulong naman ako at tinanong nga ako kung type ko sa ABS, subukan daw namin kaya heto, nasa ABS po ako,” balik-tanaw ng aktor.
Hindi naman minenos ni JC ang TV5 dahil, “I had a very good contract with TV5.” Pero nang makausap namin ang manager ni JC na si Leo, “Actually, when JC is about to sign with ABS, hinabol siya ng TV5, e, hindi na puwede kasi nagbitaw na kami ng salita sa ABS.
“At that time kasi wala yatang nire-renew ng kontrata ang TV5, even Alex Gonzaga nga hindi nila ni-renew kaya nakabalik sa ABS, tapos biglang lahat ni-renew na, e, too late na nu’ng habulin nila si JC,” paliwanag pa sa amin ng manager ni JC.



Pelikula ni Nora sa MMFF napulitika raw


Pelikula ni Nora sa MMFF napulitika raw

MANILA, Philippines – Napadaan kami sa shooting ng Kabisera movie ni Superstar Nora Aunor sa isang old Spanish style house sa Bustos, Bulacan, pero hindi kami nakalapit sa rami ng tagahangang nanonood.
Nakatutuwang malaman na hindi ito indie film kundi isang main stream movie. Takilya ang target ng producer at hindi award.
May nagsasabing kaya hindi nakapasok sa Metro Manila Film Festival (MMFF) 2015 ang movie ni Guy ay dahil napupulitika ito. Kung tutuusin, worth makapasok ang movie ni Guy dahil may sense at quality ito, unlike ng puro kabaklaan. Umaasa ang mga Noranian na makakasali rin ang movie nila sa darating na festival.
May mga komento rin na dapat daw ay taga-showbiz ang mag-manage ng MMFF dahil mas may kinalaman ang mga ito sa takbo ng industriya. Kaysa mga mayor ng iba’t ibang lugar na wala namang alam sa show business. Matagal na nilang hawak ito, sana taga-showbiz naman ang sumunod na humawak ng MMFF.
Pag-alis ni MMDA Chair Francis Tolentino, sino naman kaya ang papalit?

Mga Kuwento ni Lola Basyang (Sta Ana, Manila) - June 30, 2015