Friday, November 13, 2015

Richard gaganap na ‘Panday’; Pero kailangang magpapayat



Ire-remake pala ni Richard Gutierrez sa telebisyon ang classic movie ni FPJ na Ang Panday. Yes bossing Ervin, isa ito sa seryeng ipo-produce ni boss Vic del Rosario sa TV5.
Balik na sa paggawa ng serye ang TV5 at plano nga raw ni boss Vic na tapatan ang mga teleserye ng ABS-CBN at GMA 7 para hindi lang sila ang pinapanood ng mga tao.

Makikipagsabayan na raw ang TV5 sa dalawang giant stations and knowing boss Vic, tiyak na pawang de-kalidad ang ipo-produce nitong mga programa.

Going back to Ang Panday, balitang magtutulong sina
 boss Vic at ang may akda nitong si Carlo J. Caparas na buuin ang programa mula naman sa direksyon ni Mac Alejandre.

Matatandaang nagsimula sa Komiks ang kuwento ng Panday noong 1970 hanggang sa gawing pelikula ni Fernando Poe, Jr.. Bukod kay FPJ, gumanap din sa pelikula bilang Panday sina Bong Revilla at Janno Gibbs.

Ginawan din ito ng remake sa TV ng ABS-CBN na pinagbidahan ni Jericho Ro-sales noong 2005.
Nag-pictorial na raw si Richard kahapon at napansin ng lahat ng production staff, “Ang taba ni Richard, kailangan niyang mag-reduce, hindi na sila nagkakalayo ng katawan ni Raymond (kakambal ng aktor).”


Sabi namin, bakit si Bong Revilla medyo chubby din noong ginawa niya ang pelikulang Ang Panday? Anyway, may dalawang buwan pa naman si Richard para mag-gym dahil sa 2016 pa naman sisi-mulan ang taping ng fantaserye niya.

Anak ng Negosyante, Bunugbog ni Hunks at ipinagpalit pa sa Bading





NASA ibang bansa na pala ang dating karelasyon ng isang guwapong hunk actor.


Nagkaroon sila ng isang anak, nasa pangangalaga ngayon ng male personality ang bata, tumakas na lang sa sobrang kabiguan ang babaeng mula sa isang angkan ng mga negosyante.

Naging masalimuot ang kanilang pagsasama, maganda lang nu’ng una, pero nang magtagal ay naramdaman na ng babae ang pagiging tau-tauhan lang sa piling ng hunk actor.

Kuwento ng aming source, “Hindi siya puwedeng magpakita in public, bawal, makasisira kasi ‘yun sa machong image ng mister niya. Kapag namamasyal sila, e, malayo ang position ng girl sa lalaki, kailangang ganu’n, para hindi mag-isip ang mga nakakakita sa kanila na meron silang relasyon.

“Walang freedom ang girl, hindi siya puwedeng dumalaw sa set kapag may taping o shooting ang asawa niya, basta wala lang, nasa housing authority lang nila dapat ang babae.

“Pero kaya pa ‘yun ng girl, kaya lang, naging mabigat na ang kamay ng lalaki, kapag may pinagtatalunan sila, pak, pak, pak! Jombag ang inaabot ng girl!” napapailing na komento ng aming impormante.

Pero ang hindi talaga kinaya ng babae ay nang malaman nito na meron pala itong kahati sa pagmamahal ng kanyang mister. May third party sa kanilang relasyon.
Pero na-shock ang girl nang kumpleto na nitong malaman ang mga detalye.

“Nakakaloka! Beki ang kaagawan niya sa pagmamahal, atensiyon at panahon sa mister niya! Isang kilalang figure sa labas at loob ng showbiz ang beki na talaga namang buong-ningning pang nagpupunta sa kanilang bahay!

“Hindi na ‘yun kinaya ng girl, isang matinding jombagan pa at umuwi na sila ng anak niya sa bahay ng kanyang mga magulang. Matagal nilang pinaglabanan ang custody sa bata.

“Hanggang sa isang araw, e, sumuko na rin ang babae, ibinigay na niya sa aktor ang bata, nagpakalayu-layo na lang siya para makalimot.

“Bradly Guevarra, nasa bandang huli ng alphabet ang initials ng hunk actor, lalo na ang name niya, baligtaran pa nga!” pagtatapos ng aming source.