Wednesday, October 28, 2015

Joey: Wag madaliin ang career, wag itulad sa karera ng kabayo!




JOEY de Leon seems to have taken a SWIPE at Vice Ganda on his recent tweets.
“Like LOVE, ang CAREER ay hindi minamadali. Ang minamadali lang na karera ay sa KABAYO!”

“I repeat, wag madaliin ang career. Treat it like LOVE. Wag i-tulad sa karera ng KABAYO, tapos agad!”

The patutsada is uncalled for, very unethical and very pedestrian. What has Vice done to deserve it? Nothing! It baffles us why this TV host is making non-stop patu-tsada on Twitter when they already have the number.

Isn’t he happy that the noontime show he’s part of is making waves? Hindi pa ba siya masaya roon?
Again, we felt that making parinig to somebody who’s down reeks of unprofessionalism!


He, too, made a sarcastic comment about the controversial gown which Yaya Dub wore during an event, “Ano naman yang isyu tungkol sa GOWN? Tayo nga lahat ang saya-saya pag Graduation, pare-pareho naman tayo ng gown!”

“Yan bang gumagawa ng ‘gown issue’ colegiala? Malamang hindi. Ang mga colegiala kasi pare-pareho suot ‘no!” “Baka naman yung nag-raise ng gown issue bats for originality. Malamang NAG-IISA LANG ang salawal nyan!” That was his aria.



Sam Pinto takot na takot sa fans nina Alden at Maine



NAPATILI si Sam Pinto nang tanungin ng entertainment press kung may chance bang magkalapit muli sila ng Pambansang Bae na si Alden Richards.

Kung matatandaan, na-link noon ang dalawa habang ginagawa nila ang pelikulang “Tween Academy Class of 2012″ ng GMA Films. Nabalitang nag-date sila for a couple of times – pero hindi rin sila nagkatuluyan hanggang sa itambal na nga si Alden kay Louise delos Reyes.

Itinanggi ni Sam sa ginanap na presscon ng horror-suspense-drama movie na “Maria Labo” under Viva Films (showing on Nov. 11), na naging magdyowa sila ni Alden, pero inamin niyang na-ging malapit talaga sila sa isa’t isa.

Pero sey ng sexy actress, huwag na siyang  i-link kay Alden dahil natatakot siyang mapag-initan ng milyun-milyong fans nina Alden at Maine Mendoza alyas Yaya Dub.

“Oh, my God! Ayaw kong mangialam sa AlDub na ‘yan ngayon. Baka mawala na talaga ang career ko. Ha-hahaha! Everybody wants them to be together. I don’t wanna be in-between that,” ang napasigaw na depensa ni Sam sa panayam ng media sa kanya after ng “Maria Labo” presscon.
Dugtong pa nito, “First of all, I’m very happy for Alden.

 He really deserves this break finally, kasi ang tagal na niyang climbing up. And finally, he’s here telling everybody, ‘I’m here, I’m Richard (Faulkerson Jr., tunay na pangalan ni Alden.’) I’m super happy for him.

And with the whole AlDub thing, grabe! Nakakalurkey!”  Inamin din ni Sam na super fan din siya ng AlDub at ng kalyeserye ng Eat Bulaga, “Yes, of course, I’m a fan and how they did get this crazy, so ang galing lang talaga!”
May nagtanong naman sa Kapuso actress kung may regrets ba siya na hindi natuloy ang panliligaw ni Alden sa kanya, “No, not at all! Ang bagets pa niya noon. Para akong nagiging cougar! I don’t like. I mean, he’s too young for me.”
Until now ay wala pa ring dyowa si Sam, “Yes, single pa rin ako, matagal na. Almost nine months na ngayon. My last (boyfriend) was a businessman, he’s non-showbiz. Waley ako sa…complicated pag showbiz, e,” chika pa ni Sam.

Tatlong record-breaking TV rating ng mga nakaraang laban ni Manny Pacquiao ang binura ng “Tamang Panahon Fans Day” ng Eat Bulaga na naganap noong nakaraang Sabado sa Philippine Arena.

Bukod sa winasak na record sa Twitter (with 41 million tweets), ang nasabing Eat Bulaga episode na ngayon ang may hawak ng titulong Most-watched (highest-rating) program sa history ng telebisyon sa Pilipinas.
Base sa overnight ratings ng AGB Nielsen sa Mega Manila households, ang Tamang Panahon episode ng Eat Bulaga noong Oct. 24 ay nagtala ng 50.8%, samantalang 5.4% lang ang nakuha ng It’s Showtime.

Winasak nga nito ang most-watched Pacquiao fight noong April 13, 2014 – ang Manny Pacquiao vs Timothy Bradley na nakapagtala ng 48.9%. Pa-ngalawa na lang ito ngayon sa listahan habang nasa third spot naman ang Sept. 26, 2015 episode ng Eat Bulaga na may hashtag na #ALDubEBforLOVE, with 45.7%; pang-a-pat ang Pacquiao vs Floyd Mayweather fight (May 3, 2015) with 44.4%; at panglima ang Pacquiao-Algieri fight (Nov. 23, 2014) with 43.8%.

Lahat ng nabanggit na programa ay ipinalabas sa GMA. Ang Pacquiao-Mayweather fight naman ay ipinalabas din sa ABS-CBN at TV5 bukod sa GMA.

Base naman sa National ratings ng Kantar Media/TNS, nakapagtala ang Eat Bulaga ng 40.1% noong Oct. 24 habang 10.2% naman ang nakuha ng It’s Showtime.



Mga negosyante apektado na rin ng AlDub fever…pero walang reklamo



Totoo ang ginawang pagkukumpara ng aming mga kaibigan sa laban ni Manny Pacquiao at sa matinding tagumpay ng Eat Bulaga…Tamang Panahon nu’ng nakaraang Sabado.

Walang gaanong sasakyan sa mga kalye, walang ingay sa kalsada, pero may mga nagtitilian at kinikilig sa kani-kanyang tahanan. Pagtatapat ni Von, anak-anakang naming tagapamuno sa isang departamento ng Wilcon, “Nu’ng mismong tanghali ng Sabado hanggang mga alas kuwatro, walang gaanong tao sa amin.

Madalang talaga, samantalang peak day namin ang Sabado. “Nagdagsaan ang mga shoppers nu’ng mga alas singko na, kasi pala, e, nanood muna sila ng kalyeserye. Talagang AlDub pa rin ang pinagkukuwentuhan nila, kinikilig pa nga ang iba, talagang napakalakas ng AlDub ngayon,” pag-amin ni Von.

Si Louie Tolentino, isang magaling na pintor, ay may maliit na tindahan. Bandang ala una ay nag-text ito sa amin, “’Nay, ano ba ito, walang bumibili sa tindahan namin! Sigurado, nanonood sila ng Tamang Panahon.

Okey lang, nakatutok din naman kami sa Eat Bulaga!” Marami pang ibang kuwentong nakarating sa amin tungkol sa pansamantalang paghinto ng mundo ng mga kababayan natin nang ganapin ang noontime show sa Philippine Arena.

Pinaghandaan talaga ng mga Pinoy ang pagdating ng tamang panahon para kina Alden Richards at Maine Mendoza (Yaya Dub).


Carla, Tom naetsapwera sa MMFF entry nina Bossing at Ai Ai?




Were Carla Abellana and Tom Rodriguez displaced by Maine Mendoza and Alden Richards?

We’re asking this because there are reports that Carla and Tom were the original love team to be featured in a Metro Manila Film Festival movie starring Vic Sotto and Ai Ai Something.

Apparently, the producers are cashing in on Yaya and Alden’s popularity so they eliminated Carla and Tom pronto. Naku, baka ma-hurt nang husto ang fans nina Carla and Tom if they learn na natsugi ang idols nila because of this AlDub.



Nicco Manalo kay Jose: Pareho lang naman kami ng Daddy ko…may topak!




SA Nob. 9 hanggang 17 ay mapapanood na sa mga sinehan sa Trinoma, Glorietta, Resorts World at SM Megamall ang mga pelikulang kalahok sa Cinema One Originals 2015 Film Festival.

Ang mga pelikulang maglalaban-laban ngayong taon ay ang “Baka, Siguro Yata” (Romantic Comedy); “Bukod Kang Pinagpala: (Horror); Dahlin Nick (Docu-Drama); “Dayang Asu” (Action Drama); “Hamog” (Drama); “Manang Biring” (Drama-Comedy); “Mga Rebeldeng May Kaso” (Youth Drama); “Miss Bulalacao” (Drama); at “The Comeback” (Drama-comedy).

Kasama rin sa mga pelikulang mapapanood this year sa naturang filmfest ang mga short film na “Junilyn Has”; “Sanctissima”; “Dindo”; “Pusong Bato”; “Reyna Christina”; “Memorya:, “Mabuhay ang Pili-pinas”; “Anino”; “A Love Story” at “Tenant”.

Nakausap namin ang isa sa bida ng “Mga Rebeldeng May Kaso” na si Nicco Manalo bilang si Pat, ayon sa anak ni Jose Manalo ay personal siyang inalok ni Direk Raymond Red para magbida sa proyekto,
“Nag-personal message po sa akin si direk Raymond at nabanggit niya kung anong klaseng pelikula ang gagawin niya at kung paano nagsi-mula ang indie film base sa alam niya.

“Tungkol po sa young filmma-kers na gumawa ng sariling indie films na tumatalakay sa mga nangyayari noong 1980’s. Actually, comedy po itong movie,” kuwento ni Nicco. Pawang seryoso ang mga papel ni Nicco sa mga indie movies na ginagawa niya kaya itong “Mga Rebeldeng May Kaso” ang unang sabak niya sa comedy.

Natanong kasi ang aktor kung bakit puro seryoso ang ginagawa niya at tila wala siyang namanang humor sa tatay niyang si Jose, “Siguro po, nahihilera lang sa (seryosong role), mas napapansin, pero mayroon din po akong topak (humor) tulad sa daddy (Jose) ko,” napangiting sabi ni Nicco. ‘Topak’ ang tawag ni Nicco sa mga taong nagpapatawa.

Tinanong namin siya kung sino sa kanila ng tatay niya ang mas may topak, “Pare-pareho po kaming tatlo ng daddy ko, ‘yung isang kapatid ko po, may topak din, ‘yung nasa On The Wings Of Love po,” paliwanag ng aktor.

Ang binabanggit na kapatid ni Nicco ay si Bench Manalo o Axcel, ‘yung kabarkada ni Nico Antonio sa Tenement at karpintero ni James Reid sa furniture shop na mahaba ang buhok at may mga tattoo.

Pawang indie films ang ginagawa ni Nicco pero umaasa siyang mapapasama rin sa mainstream movies na mahaba ang role at hindi lang cameo tulad ng ginawa niya sa “10,000 Hours” ni Robin Padilla at “Kimmy Dora 3″ ni Eugene Domingo (entry sa MMFF 2013).
“Siyempre po, nagtatanong din, pero nae-enjoy ko rin po talagang gumawa ng independent films kasi doon po ako galing, theater to indie. So parang babalik at babalik ako. “Naghihintay po ako, hinahanap ko pa rin po ang place ko sa mainstream kung saan ako ilagay o makita nila,” ani Nicco.
At sa tanong namin kung sino ang dream leading lady niya, “Dream leading lady, meaning mataas, kasi dream ko, si Anne Curtis po. Kasi magaling siyang umarte sa ‘The Gifted’, napanood ko po ‘yun.”

E, chubby si Anne sa “The Gifted”, mahilig ba siya sa medyo bigatin? Tumawa nang tumawa ang anak ni Jose sabay naalala namin na nas type ni Nicco ang chubby dahil ang partner niya ngayon sa buhay ay siksik din. “Hindi po kasi ako mahilig sa sexy o balingkinitan,” ani Nicco.

At doon sila nagkaiba ng tatay niyang si Jose dahil sa pagkakaalam namin mahilig sa sexy ang TV host-comedian. Samantala, bukod sa dalawang indie films na natapos ni Nicco ngayong taon ay kasama rin siya sa seryeng Walang Iwanan ng ABS-CBN bilang sidekick ni John Estrada kaya masaya siya dahil mahaba raw ang papel niya rito.