Rhian, Glaiza payag maghalikan pero takot ma-MTRCB

PAYAG na payag sina Rhian Ramos at Glaiza de Castro na magkaroon ng totohanang kissing scene sa tomboy serye na The Rich Man’s Daughter.

Wala silang nakikitang masama rito dahil mga artista sila. “Why not? Normal naman to kiss when you’re in a relationship, but what’s holding us back is what we can or can’t do on TV.

Kung sa amin lang, as actors, or even sa writers and director namin, okey lang sa amin. “But there are forces which are not beyond our control.

Kung gagawin namin at haharangin ng MTRCB at ipatatanggal lang later on, we’d have second thoughts about doing such a scene,” pahayag ni Rhian sa isang panayam.

Kaya sa lahat ng nanonood ng serye, tingnan na lang natin kung mas magiging matapang ang produksiyon sa paggawa ng ganu’ng uri ng eksena.

Feeling naman namin, papayag ang MTRCB na maghalikan sina Rhian at Glaiza sa TV basta hindi bastos ang pagkaka-execute ng eksena.

Narito naman ang kailangan n’yong abangan ngayong gabi sa GMA Telebabad series na The Rich Man’s Daughter: Oscar (Al Tantay) questions Tommy (Paolo Contis) for not taking Batchi (Chynna Ortaleza) and Wila (Katrina Halili) along sa plano niya, kinakabahan na kahit wala si Althea (Glaiza de Castro) ay may masabi ang dalawang kaibigan nito kay Jade (Rhian Ramos).

Pero walang sasabihin si Wila kay Jade – at sasabihan rin nito si Batchi to do the same. Mawawalan naman ng ulirat si Batchi nang biglang himatayin si Marinel.

Malalaman nina Batchi na may dengue si Marinel – at si Lester (Ken Alfonso) lang ang puwedeng magbigay ng dugo sa anak.

Dadalhin ni Tommy si Althea sa isang bahay kung saan hinihintay na raw siya ni Miggy–pero wala ang bata sa loob. Ikukulong ni Tommy si Althea sa loob ng abandoned na bahay.

Itatanong ni Tommy kay Oscar kung hanggang kailan niya ikukulong si Althea–at sasabihin sa kaniya ng lalaki na hindi na niya ito pakakawalan pa.

Huhulihin naman ni Pearl (Pauleen Luna) si Gabriel (TJ Trinidad) sa kaniyang pagsisinungaling. Susugurin niya sina Gabriel at Angeline (Charee Pineda) na magkasama.

Magwawala si Pearl kaya kakaladkarin ito ni Gabriel palayo; pero the damage has already been done kay Angeline – pahiyang-pahiya na ito sa mga kapitbahay.

Makikiusap si Althea kay Tommy na pakawalan siya, pero hindi makikinig ang lalaki. Ililibing na si Angkong (Tony Mabesa).

Malulungkot si Jade na hindi nagpakita si Althea sa libing ni Angkong, kahit para makiramay lang.
Susubukan ni Althea makatakas mula sa pagkakakulong niya kay Tommy.

Hihingi ng tulong si Wila kay David para malaman kung saan mahahanap si Althea. Matatalo ni Tommy si Althea, at hindi pa rin ito makatatakas mula sa lalaki.