UNTI-UNTI nang nakikilala ang young actor na si Jerome Ponce, ang ka-loveteam ni Jane Oineza sa afternoon series ng ABS-CBN na Nasaan Ka Ng Kailangan Kita?.
Malaki na ang improvement sa acting ni Jerome mula nang magsimula siya sa showbiz at patuloy na dumarami ang supporters ng tandem nila ni Jane sa kabila nga ng pagkaka-link ng dalaga sa basketball player na si Jeron Teng.
Sa thanksgiving presscon ng Nasaan Ka Nang Kailangan Kita? kung saan in-announce ang extension nito, todo-todo ang pasasalamat ni Jerome sa lahat ng mga sumusuporta sa kanila ni Jane.
“Ako, masayang-masaya po talaga ako. Kasi alam niyo naman kung saan ako nag-umpisa, kung paano ako nag-start dito. Ewan ko, heto pa rin, e. Despite yung sa sarili ko, ewan ko. Kahit ako sa sarili ko, aminado naman ako na parang hindi…may mga ugali rin naman ako na ‘di okey sa ibang tao, pero heto pa rin ako,” pahayag ng binata.
Aminado rin si Jerome na nagiging taklesa rin siya sa ilang pagkakataon, “May nasasabi akong hindi maganda sa pandinig ng ibang tao. Yun ang nakasanayan ko noong bata pa ako…may pangit din akong ugali, e. Lahat naman siguro, merong pangit na ugali. Yung sa akin lang siguro, kitang-kita, pero minsan nagpapasensiya rin po ako.
“Nami-misinterpret lang siguro ng iba, pero I’m doing my best para maayos po yung mga bagay na dapat kong ayusin.
“Open naman po ako at ang isip ko sa mga sinasabi ng mga taong nagkakaproblema sa akin, mga taong nasa taas ko. Dapat talaga na pakikinggan ko sila,” aniya pa.
Tungkol naman sa kanila ni Jane, sa ngayon daw ay nananatili silang magkaibigan ni Jane, pero inamin niyang hindi nagle-level up ang relasyon nila ng dalaga dahil kay Jeron Teng.
“Talagang yun na yun. I’m just doing my job and doing my craft. Gusto ko rin lang pasayahin ang mga taong gustong sumuporta sa amin. As much as possble, gusto kong maging in touch kay Jane, kasi ayaw ko ding mawala,” chika ng aktor.
At dahil daw sa “relasyon” nina Jeron at Jane kaya siguro hindi niya maligawan ang dalaga, “Kaya naman ako nag-hold back dahil nga du’n. Pero sa nakikita niyo naman, ‘di naman ako naghu-hold back.
As much as possible, ‘di ako pumupunta ako du’n sa bagay na meron akong limitations. At alam ko naman yung limits ko pagdating kay Jane.”
Samantala, nag-uumapaw ang pasasalamat ng buong cast ng Nasaan Ka Nang Kailangan Kita? dahil sa tindi ng suporta ng TV viewers para sa Kapamilya Gold na pinagbibidahan din nina Denise Laurel, Christian Vasquez, Loisa Andalio, Joshua Garcia at Vina Morales.
Tiyak na mas kapananabikan ng viewers ang mas umiinit na mga tagpo sa NKNKK ngayong nalalapit na ang pagtatapos ng serye na napapanood araw-araw, 3:15 p.m. pagkatapos ng Flordeliza.
No comments:
Post a Comment