Umuusok na naman sa galit ang ilong ng mga tagahanga ni Marian Rivera dahil sa sinabi ni Heart Evangelista na “very bad” ang mga fans ng magandang buntis.
Natural, kahit naman sinong masabihan ng ganu’ng paglalarawan ay aalma, aangat sa kanilang inuupuan para maipagtanggol ang kanilang sarili.
Ang bad nga ay hindi na maganda sa pakiramdam at sa pandinig, pero mas lumala pa, very bad ang ginamit na termino ni Heart sa paglalarawan sa mga tagasuporta ni Marian Rivera.
Dapat nag-iingat si Heart sa pagsasalita. Huwag siyang gumagamit ng mga terminong bubuhay sa galit ng mga tagahanga ng kahit sinong artista laban sa kanya.
Naturingan pa naman siyang matalino, smart at alam ang kanyang mga ginagawa, pero dahil sa paggamit niya ng mga salitang hindi katanggap-tanggap ay heto, inuupakan na naman siya ng mga tagasuporta ni Marian.
At sa kanya nagmula ang away na ito, kundi niya si- nabihan ng very bad ang mga tagahanga ni Marian ay wala naman sanang gulo, dapat lang magising sa katotohanan si Heart na hindi lang siya ang nasasaktan.
May emosyon din ang ibang tao, tulad niya ay umaaray rin ang kanyang kapwa, kaya pinipili niya dapat ang mga salitang pinakakawalan ng matabil niyang bibig.
Nasa mundo pa naman ng pulitika ang mister niyang si Senador Chiz Escudero. Kabawasang boto para sa kanyang asawa ang kanyang kataklesahan kung tatakbo nga ito.
Sa totoong-totoo lang.
No comments:
Post a Comment