GINULAT ni Megastar Sharon Cuneta ang audience sa mga sagot niya sa kauna-unahan niyang guesting sa bagong late night show ng King of Talk na si Boy Abunda sa ABS-CBN.
Sa Fast Talk segment ng Tonight With Boy Abunda, pinapili si Mega between sex and chocolate, walang kapuknat-puknat na pinili niya ang sex.
“Oo, ‘di ba? Aanhin ko naman ‘yung chocolate. Ha-hahaha! Alangan naman ‘yung tatlong anak ko, e, Immaculate Concepcion? Ha-hahaha! Kasi hindi alam ng tao na I’m passionate, I’m sensual, you know.
I’m those things, lahat sila,” masayang sagot ni Mega noong makausap namin siya after ng interview niya kay Kuya Boy. Ganadung-ganado si Sharon sa pagsagot sa mga tanong ni Kuya Boy kaya naman hindi kinaya na sa isang episode lang siya lumabas sa pilot week ng Tonight With Boy Abunda last Thrusday.
Kaya naman na-extend ng isa pang gabi ang interbyuhan nina Kuya Boy at Mega noong Biyernes.
“Oh, my God! One of the best na, whenever I’m with Kuya Boy it’s always a great time.
Kahit nga magdamagan, e. ‘Yung hindi ka, you won’t feel tired or sleepy or bored coz he’s so engaging, he’s so smart and he asks the right questions, the kind of people I get along with, so, I love being with him. Sabi ko nga sa kanya, seryoso ako doon sa limang gabi kasi bitin. Ha-hahaha!”
Babalik daw siya tiyak sa show ni Kuya Boy kung hindi raw bored sa kanya ang staff ng TWBA.
“Miss na miss ko ang talkshow. Ha-hahaha! Talaga! Alam mo, saka hindi, (kasi) masayahin talaga ako.
Tapos nakakatuwa si Kuya Boy. Natatawa rin siya sa akin. Kaya enjoy na enjoy ako. Tsaka na-miss ko na ini-interbyu ako,” pag-amin niya.
Ni-reveal pa ni Mega ang kanyang book collection na umabot na sa kalahating milyon ang halaga bukod pa yan sa mga e-book niya, huh.
And since ngayon lang uli namin siya nainterbyu, sinamantala na namin ang pagkakataon na kunin ang reaksyon niya sa pagkakaayos ng kanyang anak na si KC Concepcion sa ex-BF nitong si Piolo Pascual.
Matatandaan na nagkaroon ng malaking isyu noon between her and Piolo. “Ay, I’m very happy. Actually, talaga namang dala lang ng, alam mo kapag ina ang isang tao syempre parang mas gugustuhin mo ikaw ang masaktan kesa sa anak mo.
Hindi sa ano, I mean, she had naman…hindi lang naman ‘yun ang relationship niya. May iba naman. Never akong nakialam, ‘di ba?”
Dugtong pa niya, “Siguro that time lang, hindi ka masasaktan kung hindi mo mahal ‘yung tao, e. So, I really treat him as part of the family. Pero tapos na ‘yun. I’m very happy na okey na sila.”
Inamin din ni Mega na may konting pagsisisi siyang na naramdaman sa paglabas niya ng feelings sa social media laban kay Piolo noon.
“And alam mo, sana rin hindi ako…tsk. Hindi ako naging masyadong public sa feelings ko noon kahit na masakit. Kasi, parang afterwards, noong tapos na lahat, in retrospect, kahit kanino mo gawin, kahit sa sarili mo mangyari, hindi maganda.
“So, ayaw na ayaw ko na…syempre I’m sure nakasakit ako. Ayoko noon. Kasi kung may nakasakit, huwag mo nang dagdagan,” sabi pa ni Sharon.
Tinanong din namin siya kung itinigil na rin ba niya ang paggamit ng kanyang social media accounts.
“Sa FB. Tapos nakakonek naman siya sa Twitter ko. Pero wala na. I don’t, ‘di ba? Hindi na ako nagbabasa masyado.
Konting negatibo, nilalampasan ko. Hindi ko binubuo. I concentrate on, kung may isa kasi…may tatlong daan, apat na daang na puro, you know, parang hindi mo na mapapansin kasi parang nakakatuwa na ang positive, e, sa dami.
Natatabunan, hindi mo na rin na, that’s why I like Facebook, you just delete,” paliwanag niya.
Na-happy naman kami to hear that from Mega.
Syempre, Megastar siya ‘no at hindi bagay sa kanya na pumapatol sa mga bashers sa social media. Hayaan na lang niya ‘yan sa mga istarlita at ibang palengkerang artista diyan na desperada nang mapansin sa showbiz kaya napapapansin sa social media.
No comments:
Post a Comment