HINDI totoong tsinugi na si Arnel Pineda sa international band na Journey. Mismong si Arnel na ang nagsabi na tuluy-tuloy pa rin ang shows ng grupo sa iba’t ibang panig ng mundo.
Wala rin daw siyang planong umalis sa banda, “Hindi siguro. Unless mag-disband yung banda. Pero as of now they have no plans of disbanding. Pero any time I’m ready kasi actually nung sinali nila ako, nung ginawa nila akong permanent member nu’ng banda, I didn’t expect na tumagal ako eh.
“Para sa akin, ‘Maka-one year lang ako sa kanila. Malibot ko lang ang buong Amerika touring with them okay na sa akin.’ Kahit nga isa nga lang or dalawang show na nakasama ko sila. Pero my God after 500 shows with the band I’m still here. They still keep me so it’s such a blessing,” paliwanag ni Arnel sa isang panayam.
May mga kumakalat kasing chika na papalitan na si Arnel bilang vocalist ng grupo, nagpa-audition na raw ang
Journey para makahanap ng bago nilang frontman. Pero mukhang may gusto lang manira kay Arnel kaya ipinakalat ang maling balita.
No comments:
Post a Comment