“NAPAKAIPOKRITA kapag sinabi ko, ‘Naku, walang kumpetisyon!” Yan ang diretsong sinabi ni Vice Ganda tungkol sa tumitinding labanan ngayon sa pagitan ng It’s Showtime ng ABS-CBN at Eat Bulaga ng GMA.
Pero sey ng TV host-comedian, “healthy competition” lang naman ito at walang personalan, pare-pareho lang naman daw silang nagtatrabaho at nagpapasaya ng mga tao.
Ang pagsasalita ni Vice ay sa gitna na rin ng paghataw sa ratings game ng Eat Bulaga dahil sa kasikatan nina Alden Richards at Maine Mendoza o si Yaya Dub.
Sa interview ng Cinema News, kinunan ng komento ang komedyante kung ano ang masasabi niya sa tila umiinit na kumpitensiya sa pagitan ng kanilang noontime show at ng Eat Bulaga.
“Bago pa naman nagka-AlDub, talagang may kumpetisyon na ang ABS at ang GMA. Hindi lang naman Showtime saka Eat Bulaga. Teleserye nila, kakumpitensiya ng teleserye namin… lahat.
“Kaya napakaipokrita, napakaipokrito na pagka sinabi ko, ‘Naku, walang kumpetisyon!’ May kumpetisyon ‘yan, and it’s a healthy competition,” aniya pa.
Dinenay din ni Vice na may plano silang magkaroon din ng segment sa Showtime kung saan magpapakitang-gilas siya sa pagda-dubsmash tulad ng ginagawa ni Yaya Dub at ni Alden, “Of course not, that’s not true.”
No comments:
Post a Comment