Sunday, September 13, 2015

Katrina sa mga beking type magpaopera: Bahala siya, buhay niya ‘yun!




Malapit sa mga bading ang Kapuso actress na si Katrina Halili kaya nakaka-relate siya kahit paano sa bagong transgender serye ng GMA Afternoon Prime na Destiny Rose after Buena Familia starring Ken Chan na gaganap bilang transgender woman.

Chika ni Kat, “Masaya silang kausap, kasama. Hindi ako nabo-bore. Sa taping, ang saya-saya ko, kasi minsan, namamalayan ko, madaling-araw na.

Sabi ko, ‘Hala, ang sarap naman ng trabaho dito. Kuwentuhan lang tayo ng kuwentuhan!’ “Hindi ko namamalayan kasi tsikahan lang kami nang tsikahan.
Puro bading du’n sa set. Halos lahat ng nanay-nanayan ko, (beki) e. Tapos sa set, puro bading,” aniya pa. May maipapayo ba siya sa mga beking friends niya na magpaopera para maging ganap na babae?
“Siyempre kailangan sabihin mo sa kanya na pag-isipan muna niyang mabuti, di ba? Kasi mahirap din yun. Hindi mo na puwedeng alisin, e.
“Kailangang isipin mong mabuti kung ready ka. Kasi alangang ibalik mo pa, di ba? So pag-isipang mabuti kung makakapagpasaya sa kanya. Bahala siya. Buhay niya ‘yun,” ang pahayag pa ni Katrina na mapapanood na nga sa Destiny Rose simula bukas.



No comments: