Monday, October 12, 2015

Baguhang aktor iniwan ang buhay sa Canada para mag-artista





Todo ang ginagawang paghahanda ng showbiz newbie na si Kevin Poblacion sa pagsabak niya sa mundo ng pag-arte. Desidido ang binata na tuparin ang kanyang matagal nang pangarap na maging isang artista.

Ang 20-taong-gulang na binata na lumaki sa Canada ay seryosong kumukuha ngayon ng extensive acting workshop sa Star Magic na pinamamahalaan ng magaling na direktor na si Rhyan Carlos.

In fairness, positive naman ang mga nakukuhang komento ni Kevin mula sa kanyang mentors at mga kasamahan sa workshop matapos ang ilang acting exercises.

Kevin just turned 20 last Aug. 5, at diretso niyang inamin na matagal na niyang pinapangarap na makapasok sa mundo ng showbiz. Pero na-delay ito dahil nga kinailangang muna niyang tapusin ang kursong Tourism sa isang kilalang university sa Canada.

Matangkad, hunk at guwapo si Kevin kaya siguradong madali siyang mapapansin once na magsimula na siyang gumawa ng pangalan. Sa ngayon, bukod sa acting workshop sa ABS-CBN na natapos niya last August ay kumukuha rin siya ng Tagalog lessons dahil alam niyang mahalaga na matuto siyang magsalita ng Tagalog sa pagpasok niya sa showbiz.
Dumating si Kevin sa Maynila noong Abril kasama ang kanyang mga magulang. Nang malaman na posible siyang magkakaroon ng chance na maging artista rito nagpaalam siya sa kanyang mga magulang kung puwede siyang maiwan sa Pilipinas para tuparin ang kanyang pa-ngarap na maging artista.

Wala siyang ibang kamag-anak dito except sa mga kaibigan ng kanyang mga magulang pero matapang ang binata na harapin ang challenge ng kanyang buhay dito.
Iniwan din ni Kevin ang kanyang trabaho sa isang sikat na fastfood joint sa Canada at ang offer sa kanya na magtrabaho bilang steward sa isang airline company para manatili rito sa Pinas.

Sa ngayon ay busy din siya sa paggawa ng VTRs para sa mga commercial, “I hope that I will be able to share my ta-lent sa ating mga kababayan, sana matanggap din nila ako rito.”

Nang tanungin kung sinu-sino ang mga crush niya sa local showbiz, binanggit niya ang mga pangalan nina Marian Rivera at Kim Chiu at idol din niya si Piolo Pascual.

Ang mga ito raw ang madalas niyang napapanood sa Canada. Si Kevin ay mina-manage ni Boy Palma, ang manager din ni Superstar Nora Aunor.



No comments: